Dinamalar

கமலை நேரில் சந்தித்து வாழ்த்து பெற்ற தலவன் படக்குழு

மலையாளத்தில் கடந்த சில வாரங்களுக்கு முன்பு தலவன் என்கிற படம் வெளியானது. பிஜூமேனன் மற்றும் ஆசிப் அலி இருவரும் கதாநாயகர்களாக நடித்திருந்தனர். ஜிஸ் ஜாய் இயக்கியிருந்தார். காவல்துறையில் எதிரும் புதிருமாக இருக்கும் இரண்டு அதிகாரிகளில் ஒருவருக்கு எதிர்பாராத பிரச்சினை வரும்போது, தனது ஈகோவை மறந்து அவரை காப்பாற்ற இன்னொரு அதிகாரி எப்படி முயற்சிக்கிறார் என்பதை மையப்படுத்தி விறுவிறுப்பான புலனாய்வு திரைப்படமாக உருவாகி இருந்தது. ரசிகர்களிடம் வரவேற்பை பெற்றதுடன் வசூல் ரீதியாகவும் நிறைவான படமாக அமைந்தது.

இந்தப்படத்தை சமீபத்தில் பார்த்த நடிகர் கமல்ஹாசன் அருமையான படம் என பாராட்டியுள்ளார். இதையடுத்து சென்னையில் நடிகர் கமல்ஹாசனை தலவன் படக்குழுவினர் நேரில் சந்தித்து வாழ்த்து பெற்றனர். இந்த சந்திப்பின்போது நடிகர் பிஜூமேனன் இடம் பெறாவிட்டாலும் இந்த படத்தின் மூலம் மீண்டும் மறுவாழ்வு பெற்றுள்ள நாயகன் ஆசிப் அலிக்கு கமலுடனான இந்த சந்திப்பு மிகுந்த உற்சாகத்தை கொடுத்துள்ளது. இது குறித்து புகைப்படங்களை தனது சோசியல் மீடியா பக்கத்தில் வெளியிட்டு தனது மகிழ்ச்சியை வெளிப்படுத்தி உள்ளார் ஆசிப் அலி.

இதற்கு முன்பாக மிகப்பெரிய வெற்றியை பெற்ற மஞ்சும்மேல் பாய்ஸ் படக்குழுவினரையும் கமல் இதேபோல் நேரில் அழைத்து பாராட்டினார் என்பது குறிப்பிடத்தக்கது.

• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்
• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...
• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி

• 
  தீபாவளிக்கு வெளியாகும் 'கருப்பு' படத்தின் முதல் பாடல்!
• 
  கார்த்தி, விஜய் சேதுபதி போன்ற நடிகர்களால் தான் நல்ல கதை பெரிய படமாக ...
• 
  சம்பளத்தை குறைத்து கொண்ட விக்ரம்!
• 
  அர்ஜுன் படத்தின் புதிய அப்டேட்!
• 
  பிளாஷ்பேக்: ஒரு செல்லாத ரூபாயின் கதை தந்த யோசனை, என் எஸ் கிருஷ்ணனின் ...