மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
தமிழ் சினிமாவின் முன்னணி நடிகர்கள் அரசியலுக்கு வரும் வரிசையில் சமீபத்தில் நடிகர் விஜய்யும் இணைந்து தனது அரசியல் கட்சியின் பெயரையும் அறிவித்துவிட்டார். தற்போது வெங்கட் பிரபு இயக்கத்தில் நடித்து வரும் கோட் படத்தையும் அதன் பிறகு இன்னொரு படத்தையும் முடித்துவிட்டு 2026 சட்டசபை தேர்தலில் களமிறங்க போவதாக அறிவித்தும் விட்டார். அவரது அடுத்த படத்தை யார் இயக்கப் போகிறார்கள் என்கிற யூகங்கள் பலவாறாக ஓடிக்கொண்டிருக்கின்றன.
இன்னொரு பக்கம் நடிகர் விஷாலும் வரும் 2026ல் தானும் அரசியலில் இறங்கப் போவதாக அறிவித்து அதிர்ச்சி அளித்தார். இந்த நிலையில் விஜய் அரசியலில் இறங்கியதால் தான் நீங்களும் அரசியலில் இறங்குகிறீர்களா என்று அவரிடம் சமீபத்தில் ரத்னம் படத்தின் பத்திரிக்கையாளர் சந்திப்பில் கேட்கப்பட்டது.
அதற்கு பதிலளித்த விஷால், “அப்படி இல்லை.. விஜய்யை எனக்கு ரொம்பவே பிடிக்கும். அவரை வைத்து ஒரு படம் இயக்க வேண்டும் என நான் கனவு கண்டு கொண்டிருந்தேன். அவர் இன்னும் ஒரு படத்தில் மட்டும் நடித்துவிட்டு அரசியலுக்கு வர இருப்பதால் என்னுடைய கனவு நிறைவேறாமல் போகிறதே என்கிற வருத்தம் இருக்கிறது” என்று கூறியுள்ளார்.