Dinamalar

பாலா, கவுதம் மேனன், ஹரி, வரிசையில் சுதா கொங்கரா???

சூர்யாவும் அவருக்குத் திருப்புமுனை தந்த இயக்குனர்களும், அந்த இயக்குனர்களுக்கு பதிலுக்கு 'திருப்பு' முனை தந்த சூர்யாவும் எனவும் பேசலாம் போலிருக்கிறது.

காதல் நாயகனாக வலம் வந்த சூர்யாவுக்கு 'நந்தா' படம் மூலம் ஒரு 'டெரர்' லுக்கைத் தந்து அவரை அதிரடி ஆக்ஷன் ஹீரோவாக மாற்றியவர் இயக்குனர் பாலா. அதற்குப் பிறகு 'காக்க காக்க' படத்தின் மூலம் அந்த மாற்றத்தை முன்னேற்றியவர் இயக்குனர் கவுதம் மேனன். அதற்கும் பிறகு மாற்றம், முன்னேற்றம், வசூல் என 'சிங்கம்' படம் மூலம் உயர்த்தியவர் இயக்குனர் ஹரி.

அவர்கள் வாங்கித் தராத தேசிய விருதை நடிப்புக்காகவும், தயாரிப்புக்காகவும் 'சூரரைப் போற்று' படம் மூலம் சூர்யாவுக்கு வாங்கித் தந்தவர் இயக்குனர் சுதா கொங்கரா.

மேலே, சொன்ன நால்வரும் சூர்யாவுடன் இணைந்து பணிபுரிய உள்ளதாக அறிவிக்கப்பட்டு அந்தப் படங்கள் 'டிராப்' ஆன வரலாற்றில் ஒன்றாகி உள்ளனர்.

சூர்யா - கவுதம் மேனன் கூட்டணியில் 'துருவ நட்சத்திரம்', சூர்யா - ஹரி கூட்டணியில் 'அருவா', சூர்யா - பாலா கூட்டணியில் 'வணங்கான்' ஆகிய படங்கள் டிராப் ஆகின. அந்த வரிசையில் சூர்யா - சுதா கொங்கரா கூட்டணியின் 'புறநானுறு' படமும் இணைந்து விட்டது என கோலிவுட்டில் கிசுகிசுக்கிறார்கள். படத்திற்கான இறுதி வடிவத்தை சூர்யாவிடம் சுதா தந்ததாகவும், அது சரியில்லை என சூர்யா நிராகரித்துவிட்டார் என்றும் சொல்கிறார்கள்.

அதனால்தான் அந்தப் படத்திற்கான தேதிகளை என்ன செய்வதென்று தெரியாமல் இருந்த நிலையில் கார்த்திக் சுப்பராஜ் சொன்ன கதை பிடித்துப் போக அப்படத்தின் அறிவிப்பு வந்ததாம். சூர்யாவுக்காக மீண்டும் வேறொரு கதையை சுதா எழுதுவாரா அல்லது அவர் எழுதிய கதைக்கு வேறொரு ஹீரோவைத் தேடுவாரா என்பது விரைவில் தெரிய வரும்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி
• 
  26 வருடங்களுக்கு பிறகு ரீ ரிலீஸ் ஆகும் அமர்க்களம்
• 
  மீண்டும் கன்னட சினிமாவிற்கு திரும்பிய பிரியங்கா மோகன்
• 
  வரி ஏய்ப்பு : நாகார்ஜுனா, வெங்கடேஷ் குடும்ப ஸ்டுடியோக்களுக்கு நோட்டீஸ்