Dinamalar

விமலுடன் ஆட்டம் போட்ட சினேகா குப்தா

பாலிவுட் கவர்ச்சி நடிகை சினேகா குப்தா, தென்னிந்திய சினிமாவில் ஒரு பாடலுக்கு ஆடி வருகிறார். ஏராளமான தெலுங்கு மற்றும் ஹிந்தி படங்களில் ஒரு பாடலுக்கு ஆடியுள்ள சினேகா தற்போது விமல் நடித்து வரும் தேசிங்கு ராஜா படத்தின் இரண்டாம் பாகத்தில் அவருடன் ஆடி உள்ளார்.

இன்பினிட்டி கிரியேஷன்ஸ் சார்பில் பி.ரவிச்சந்திரன் தயாரிக்கும் இப்படத்தில் விமல் கதாநாயகனாக நடிக்கிறார் பூஜிதா பொன்னாடா கதாநாயகியாக நடிக்கிறார். முக்கிய கேரக்டரில் ஜனாவும் இரண்டாவது கதாநாயகியாக ஹர்ஷிதாவும் நடிக்கின்றனர். ரவி மரியா, ரோபோ சங்கர், மொட்ட ராஜேந்திரன், விஜய் டிவி புகழ், லொள்ளு சபா சாமிநாதன், சிங்கம் புலி, சாம்ஸ், வையாபுரி, மதுரை முத்து, மதுமிதா, விஜய் டிவி வினோத் உள்ளிட்ட பலர் நடிக்கின்றனர். வித்யாசாகர் இசை அமைக்கிறார். செல்வா ஒளிப்பதிவு செய்கிறார். எழில் இயக்குகிறார்.

முதற்கட்ட படப்பிடிப்பு நிறைவடைந்த நிலையில் கடந்த வாரம் முதல் இதன் இரண்டாவது கட்ட படப்பிடிப்பு துவங்கி நடைபெற்று வருகிறது. இப்படத்தில், இடம் பெறும் "டோலி டாங்க் ஆனா டேஞ்சரு.. ரொம்ப டேஞ்சரு.." என்கிற பாடல் தற்போது படமாக்கப்பட்டு வருகிறது.

இதற்காக சென்னை கிழக்கு கடற்கரை சாலையில் 50 லட்சம் செலவில் கலை இயக்குனர் சிவசங்கர் பங்களா செட் ஒன்றை உருவாக்கி கொடுத்துள்ளார். நடன இயக்குனர் தினேஷ் நடன வடிவமைப்பில் உருவாகி வரும் இந்த பாடலில் விமல் மற்றும் சினேகா குப்தா இருவரும் இணைந்து குத்தாட்டம் போட்டுள்ளனர். விமல் நடித்த படங்களிலேயே அதிக பட்ஜெட்டில் தயாராகும் படம் இது.

• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்
• 
  இயக்குனர் சஞ்சய் லீலா பன்சாலி மீது ராஜஸ்தானில் எப்ஐஆர் பதிவு
• 
  ரூ.581 கோடி வசூல் பெற்ற 'சாயரா'
• 
  பார்வையாளர்களின் பதிலை மட்டுமே மதிக்கிறேன் : பல்லவி ஜோஷி

• 
  6 வருடங்களில் 6 படம்: ஷிவாத்மிகாவுக்கு கை கொடுக்குமா 'பாம்'
• 
  தமிழ் ஆல்பத்தில் கொரியன் பாடகர்
• 
  அடுத்த வாரம் ஓடிடி தளத்தில் வெளியாகும் 'கூலி'
• 
  பிளாஷ்பேக்: கே.ஆர்.விஜயாவை அறிமுகப்படுத்தி 100வது, 200வது படத்தையும் இயக்கிய ...
• 
  பிளாஷ்பேக்: குறைந்த சம்பளத்தில் வில்லனாக நடித்த ஜெமினி கணேஷ்