மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
'கேஜிஎப்' படங்களின் இயக்குனரான பிரசாந்த் நீல் இயக்கத்தில், பிரபாஸ், ஸ்ருதிஹாசன், பிரித்விராஜ் மற்றும் பலர் நடிப்பில் கடந்த வருடக் கடைசியில் வெளிவந்த படம் 'சலார்'. பான் இந்தியா படமாக வெளியானாலும் இப்படம் தெலுங்கில் மட்டுமே அதிக வரவேற்பைப் பெற்றது. ஹிந்தியில் சுமாராகவும் மற்ற மொழிகளில் மிகச் சுமாரான வரவேற்பையும் மட்டுமே பெற்றது. வசூல் ரீதியாக 600 கோடிக்கும் அதிகமாக வசூலித்தது.
இப்படம் ஓடிடி தளத்தில் கடந்த ஜனவரி மாதம் 30ம் தேதி தெலுங்கு, தமிழ், மலையாளம், கன்னடம் ஆகிய மொழிகளில் வெளியானது. அப்போதே விரைவில் ஆங்கிலத்திலும் வெளியாகும் என்று சொல்லப்பட்டது. இந்நிலையில் இப்படத்தின் ஆங்கில டப்பிங்கை நேற்றுமுன்தினம் வெளியிட்டுள்ளனர். இதன் மூலம் உலக அளவில் இந்திய மொழிகளைத் தெரியாதவர்கள் கூட இப்படத்தைப் பார்க்கலாம். இதற்கு முன்பு விஜய் நடித்து வெளிவந்த 'லியோ' படத்தின் ஆங்கில டப்பிங்கும் ஓடிடி தளத்தில் வெளியானது.
ஹிந்தியில் மட்டும் ஓடிடியில் இன்னும் வெளியாகவில்லை. எட்டு வாரங்களுக்குப் பிறகே ஓடிடி தளத்தில் வெளியீடு என்ற ஒப்பந்தம் இருப்பதால் இந்த மாதக் கடைசி வாரத்தில்தான் ஹிந்தியில் வெளியாகும்.