Dinamalar

கல்லூரி மாணவர்களுக்கான அரசியல் பேசும் ஜிவி பிரகாஷின் 'ரெபல்'

நடிகரும், இசையமைப்பாளருமான ஜிவி பிரகாஷ் ஹீரோவாக நடித்துள்ள படம் ‛ரெபல்'. மமிதா பைஜூ, கருணாஸ், சுப்பிரமணிய சிவா, ஷாலு ரஹீம், வெங்கிடேஷ் வி.பி, ஆதித்யா பாஸ்கர், கல்லூரி வினோத், ஆதிரா உள்ளிட்ட பலர் நடித்திருக்கிறார்கள். உண்மை சம்பவங்களை தழுவி அதிரடி ஆக்ஷன் படமாக உருவாகி உள்ள இதை அறிமுக இயக்குநர் நிகேஷ் ஆர்.எஸ் இயக்கி உள்ளார். ஸ்டுடியோ கிரீன் சார்பில் ஞானவேல் ராஜா தயாரித்திருக்கிறார்.

இப்படத்தின் படப்பிடிப்பு முழுமையாக நிறைவடைந்து, தற்போது இறுதி கட்டப் பணிகள் விறுவிறுப்பாக நடைபெற்று வருகிறது. இதன் முதல்பார்வையை நடிகர் சிம்பு வெளியிட்டுள்ளார். அதில் ஜிவி பிரகாஷ் கையில் பெட்ரோல் குண்டை எறிவது போன்றும், பின்னணியில் கலவரக் காட்சிகளாகவும் உள்ளது.

படம் பற்றி இயக்குநர் கூறுகையில், ''1980களில் நடைபெற்ற சில உண்மை சம்பவத்தை தழுவி இப்படத்தின் திரைக்கதை உருவாக்கப்பட்டிருக்கிறது. கல்லூரி மாணவர்களுக்கான அரசியலும் இதில் பேசப்பட்டிருக்கிறது. ஜி.வி.பிரகாஷின் திரையுலக பயணத்தில் இந்தப்படம் முக்கிய திருப்புமுனையை ஏற்படுத்தும்,'' என்றார்.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  என் வாழ்வில் மாற்றம் ஏற்பட யார் காரணம்? : சிவகார்த்திகேயன் 'ஓப்பன் டாக்'
• 
  ஓங்கி குத்த வேண்டும் : விஜய் பேச்சால் நடிகர் ரஞ்சித் ஆவேசம்
• 
  ரூ. 300 கோடி வசூல் சாதனை படைத்த மகாவதார் நரசிம்மா
• 
  அறிவழகன் இயக்கத்தில் அதிதி ஷங்கர்
• 
  மிஷ்கின் இயக்கத்தில் கீர்த்தி சுரேஷ்