மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
பரத்பாலா இயக்கத்தில், ஏஆர் ரஹ்மான் இசையமைப்பில், தனுஷ், பார்வதி மற்றும் பலர் நடிப்பில் பத்து ஆண்டுகளுக்கு முன்பு வெளிவந்த படம் 'மரியான்'. ரஹ்மான் விளம்பரப் படங்களுக்கு இசையமைத்த காலத்திலேயே பரத்பாலாவும் அவரும் நெருங்கிய நண்பர்கள். ரஹ்மானை இந்திய அளவில் புகழ் பெற வைத்த 'வந்தே மாதரம்' ஆல்பத்தின் தயாரிப்பாளர்களில் ஒருவர் பரத்பாலா. 1998ல் வெளிவந்த அந்த ஆல்பம் விற்பனையில் சாதனை படைத்தது.
பரத்பாலா இயக்கிய முதல் படமான 'மரியான்' வியாபார ரீதியாக பெரிய வெற்றியைப் பெறவில்லை என்றாலும் கவனத்தை ஈர்த்த ஒரு படமாக அமைந்தது. தனுஷின் சிறந்த நடிப்பை வெளிப்படுத்திய படங்களில் இதுவும் சேரும். ரஹ்மான் இசையில் படத்தில் இடம் பெற்ற பாடல்கள் சூப்பர் ஹிட்டாக அமைந்தன. “நெஞ்சே எழு, இன்னும் கொஞ்ச நேரம், சோனபரீயா, எங்க போன ராசா” ஆகிய பாடல்களுடன் ரஹ்மான் இசையில் யுவன்ஷங்கர் ராஜா பாடிய 'கடல் ராசா நான்' பாடலும் ரசிகர்களின் வரவேற்பைப் பெற்றன.
இன்றுடன் படம் வெளிவந்து 10 ஆண்டுகள் நிறைவடைகிறது. அப்போதைய புகைப்படம் ஒன்றைப் பகிர்ந்து ஏஆர் ரஹ்மான், “மரியான் 10 ஆண்டுகள், இன்றிரவு 9 மணிக்கு லைவ் நிகழ்ச்சி செய்வோமா, எண்ணங்களைப் பகிர்ந்து, கொண்டாடுவோம்,” என்று குறிப்பிட்டுள்ளார்.
ரஹ்மானின் அழைப்புக்கு படத்தின் இயக்குனர் பரத்பாலா, நாயகி பார்வதி வரவேற்பு தெரிவித்துள்ளனர். “ஆவலுடன் காத்திருக்கிறேன் சார், பனிமலரின் அன்பிற்கு எல்லா தூரத்தையும் மிஞ்சும் ஒரு மொழியை வழங்கியதற்கு நன்றி,” என பார்வதி குறிப்பிட்டுள்ளார்.