Dinamalar

விஜய்யின் குரல், துள்ளல் நடனம்.... வெளியானது ‛நா ரெடி தான் வரவா....' பாடல்

லோகேஷ் கனகராஜ் இயக்கத்தில், அனிருத் இசையமைப்பில், விஜய், த்ரிஷா, சஞ்சய் தத் மற்றும் பலர் நடிக்கும் படம் 'லியோ'. அக்டோபரில் இப்படம் வெளியாக உள்ளது. இன்று(ஜூன் 22) விஜய்யின் பிறந்தநாளை முன்னிட்டு நேற்று நள்ளிரவு இந்த படத்தின் புதிய போஸ்டரை வெளியிட்டனர். அதில் பனிமலை பின்னணியில் விஜய் ஆவேசத்துடன் சுத்தியலால் யாரையோ அடித்துத் தாக்குவதும், அருகே ஓநாய் ஒன்றும் கடும் கோபத்துடன் இருப்பது போன்று அந்த போஸ்டரை வடிவமைத்து இருந்தனர்.

முன்னதாக இரு தினங்களுக்கு முன் இந்த படத்தின் முதல் சிங்கிளான 'நா ரெடி' பாடலின் முன்னோட்டத்தை வெளியிட்டனர். “நா ரெடி தா வரவா, அண்ணன் நா எறங்கி வரவா… என்ற அந்த நான்கு வரிகளிலேயே அரசியல் கலந்த வரிகளாக இருந்து பாடல் மீதான எதிர்பார்ப்பை தூண்டியது. இந்நிலையில் இன்று மாலை 6:30 மணியளவில் இப்படத்தின் முதல் சிங்கிளான 'நா ரெடி' பாடலை வெளியிட்டனர். 4:14 நிமிடங்கள் ஒலிக்கும் இந்த பாடலை விஷ்ணு எழுத நடிகர் விஜய்யே பாடி உள்ளார். அவருடன் அனிருத் மற்றும் பிக்பாஸ் அசல் கோலாரும் இடையிடையே குரல் கொடுத்துள்ளார்.

துள்ளல் பாடலாக வெளியாகி உள்ள இதில் விஜய் உடன் நூற்றுக்கணக்கான நடன கலைஞர்களும் ஆடி உள்ளனர். நடிகர் விஜய் எதிர்காலத்தில் அரசியலுக்கு வர உள்ள நிலையில் அதை வெளிப்படுத்தும் விதமான பாடல் வரிகள் அமைந்துள்ளன. அதோடு சரக்கு, அசைவ உணவு தொடர்பான வரிகளும் கலந்து கட்டி கொண்டாட்ட பாடலாக வெளியிட்டுள்ளனர்.

பாடல் வெளியான 15 நிமிடத்திலேயே 10 லட்சத்திற்கும் அதிகமான பார்வைகளையும், 3.60 லட்சத்திற்கும் அதிகமான லைக்ஸ்களையும் பெற்றது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  என் பெயரில் வரும் அழைப்புகள், மெசேஜ்கள் போலியானவை: தனுஷ் மானேஜர் அறிக்கை
• 
  பெண்களை இழிவாக பேசும் இயக்குனர்: திவ்யபாரதி புகார்
• 
  'ஆரோமலே' படத்திற்கு எதிராக வழக்கு
• 
  பிளாஷ்பேக்: நடிகையின் பிரச்னையை பேசிய முதல் படம்
• 
  தமிழில் 4 ஆண்டுக்கு பின் நாயகியாக நடிக்கும் கல்யாணி பிரியதர்ஷன்