Dinamalar

'ஜெயிலர்' படப்பிடிப்பு நிறைவு, கேக் வெட்டி கொண்டாட்டம்

நெல்சன் திலீப்குமார் இயக்கத்தில், ரஜினிகாந்த், மோகன்லால், சிவராஜ்குமார், சுனில், ஜாக்கி ஷெராப், தமன்னா, ரம்யா கிருஷ்ணன், யோகி பாபு மற்றும் பலர் நடிப்பில் உருவாகி வரும் 'ஜெயிலர்' படத்தின் படப்பிடிப்பு முழுமையாக முடிவடைந்துள்ளது. அது பற்றிய அதிகாரப்பூர்வ அறிவிப்பை படக்குழு வெளியிட்டுள்ளது. ரஜினிகாந்த், தமன்னா, இயக்குனர் நெல்சன் மற்றும் படக்குழுவினர் கேக் வெட்டி கொண்டாடிய புகைப்படங்களையும் வெளியிட்டுள்ளார்கள்.

கடந்த வருடம் பிப்ரவரி மாதம் இப்படம் பற்றிய அதிகாரப்பூர்வ அறிவிப்பை வெளியிட்டார்கள். கடந்த வருடம் ஜுலை மாதம் சென்னையில் படப்பிடிப்பு ஆரம்பமாகி ஹைதராபாத், கடலூர், ஜெய்சால்மர், மங்களூர், சாலக்குடி உள்ளிட்ட இடங்களில் படப்பிடிப்பு நடைபெற்றது.

இந்த வருடம் ஆகஸ்ட் 10ம் தேதி இப்படம் வெளியாகும் என்ற அறிவிப்பை கடந்த மாதத் துவக்கத்தில் வெளியிட்டார்கள். அனிருத் இசையமைக்கும் இப்படத்தின் இறுதிக்கட்டப் பணிகள் அடுத்த இரண்டு மாதங்களுக்குள் நடந்து முடிந்துவிடும். ரஜினிகாந்த் நடித்து இதற்கு முன்பு 2021 தீபாவளிக்கு வெளிவந்த 'அண்ணாத்த' படம் தோல்வியடைந்தது. சுமார் இரண்டு வருட இடைவெளிக்குப் பிறகு 'ஜெயிலர்' வருவதால் படத்தின் மீதான எதிர்பார்ப்பும் அதிகமாக உள்ளது.

• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது

• 
  இளையராஜா வீட்டு மருமகள் ஆகி இருக்கணும்... : புது குண்டு போட்ட வனிதா, நடந்தது ...
• 
  அனுபவசாலிகள் இல்லாத கட்சி வெற்றி பெறாது : சொல்கிறார் நடிகர் ரஜினி
• 
  ஷங்கரின் கனவுப்படம் 'வேள்பாரி' : தயாரிக்கப் போவது யார் ?
• 
  'மோனிகா' பூஜாவை விட ரசிகர்களைக் கவர்ந்த சவுபின் ஷாகிர்
• 
  பிளாஷ்பேக் : அருக்காணியால் தயங்கிய பாக்யராஜ்