Dinamalar

'தி.மு', 'தி.பி' காதலைப் பற்றிய 'தீராக் காதல்'

தமிழ் சினிமாவில் இதுவரையில் வெளிவந்த சிறந்த காதல் சினிமா படங்களின் வரிசையில் 'தீராக் காதல்' படமும் இடம் பெறும் என்ற ஒரு எதிர்பார்ப்பு ரசிகர்களிடம் இருக்கிறது.

ரோஹின் வெங்கடேசன் இயக்கியுள்ள இந்தப் படத்தில் ஜெய், ஷிவதா, ஐஸ்வர்யா ராஜேஷ் மற்றும் பலர் நடித்துள்ளார்கள். இச்செய்தியின் தலைப்பில் உள்ள 'தி.மு, தி.பி'--க்கும் இந்தப் படத்திற்கும் ஒரு தொடர்பு உள்ளது. அதாவது 'திருமணத்திற்கு முன், திருமணத்திற்குப் பின்' என்பதுதான் அது.

படத்தில் ஜெய், ஷிவதா கணவன் மனைவி. ஜெய்யின் வாழ்க்கையில் அவரது முன்னாள் காதலி ஐஸ்வர்யா ராஜேஷ் மீண்டும் வர அதனால் நடக்கும் பிரச்சினைகள்தான் படத்தின் கதை என்பது டிரைலரைப் பார்க்கும் போது புரிகிறது.

ஜெய் இதற்கு முன்பு நடித்த 'ராஜா ராணி' படமும் அப்படியான ஒரு காதல் படமாக அமைந்து அவருக்கு பெரிய வெற்றியையும், பேரையும் பெற்றுத் தந்தது. இந்தப் படமும் அது போன்ற ஒரு காதல் கதை என்பதால் அது போல மீண்டும் ஒரு வெற்றியைப் பெறுவார் என எதிர்பார்ப்புள்ளது. நாளை மறுதினம் வெளிவர உள்ள இந்த 'தீராக் காதல்' ரசிகர்களைத் திருப்திப்படுத்த வாய்ப்புள்ளது.

• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி
• 
  டிவி ஒளிபரப்பில் சாதனை படைத்த 'புஷ்பா 2'
• 
  கர்ப்பமாக இருக்கும் கியாரா அத்வானிக்காக டாக்ஸிக் படப்பிடிப்பை ...
• 
  நான் இன்னமும் என்னை ஒரு நடிகராகவே கருதுகிறேன் : அமீர்கான்

• 
  கிண்டல் செய்த ரசிகருக்கு மாளவிகா மோகனன் கொடுத்த பதிலடி
• 
  நடிகர் ஸ்ரீ எழுதிய ஆங்கில நாவல் வெளியானது!
• 
  தக் லைப் படம் ரிலீஸை தடுத்தால் வழக்குப்பதிவு: சுப்ரீம் கோர்ட் எச்சரிக்கை!
• 
  குபேரா படத்திற்கு 19 இடங்களில் கட் கொடுத்த சென்சார் போர்டு
• 
  விஜய்யை தொடர்ந்து ரஜினியை இயக்குகிறாரா வினோத்?