Dinamalar

வாரிசு, துணிவு - ஓடிடி-யிலும் ஒரே நாளில் போட்டி ?

விஜய் நடித்த 'வாரிசு', அஜித் நடித்த 'துணிவு' ஆகிய இரண்டு படங்களும் ஜனவரி 11ம் தேதி ஒரே நாளில் தியேட்டர்களில் வெளியாகின. படம் வெளியாகி பத்து நாட்கள் ஆகியும் இரண்டு படங்களில் எந்தப் படம் அதிக வசூலைக் குவித்தது, எந்தப் படம் லாபத்தைக் கொடுத்தது என்ற சண்டைகள் சமூக வலைத்தளங்களில் போய்க் கொண்டிருக்கின்றன.

தியேட்டர்களில் போட்டி, வசூலில் போட்டி என சென்ற நிலையில் அடுத்ததாக இரண்டு படங்களும் ஓடிடியிலும் போட்டி போட உள்ளதாகத் தெரிகிறது. இரண்டு படங்களுமே பிப்ரவரி 10ம் தேதி ஓடிடி தளங்களில் வெளியாக உள்ளதாக ஒரு தகவல் வெளியாகி உள்ளது.

'வாரிசு' படத்தை அமேசான் பிரைம் தளமும், 'துணிவு' படத்தை நெட்பிளிக்ஸ் தளமும் வாங்கியுள்ளன. இரண்டுமே முன்னணி ஓடிடி தளங்கள் என்பதால் படத்தை அதிக ரசிகர்கள் பார்க்கும் விதத்தில் பரபரப்பை ஏற்படுத்துவார்கள். வசூல் சண்டையே இன்னும் முடியாத நிலையில் அடுத்து எந்தப் படம் ஓடிடி தளத்தில் அதிக நேரம் பார்க்கப்படுகிறது என்ற சண்டை அடுத்த மாதம் புதிதாக ஆரம்பமாகும்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு