Dinamalar

500 மில்லியனைக் கடந்த 'அரபிக்குத்து'

தமிழ்த் திரைப்படமான 'மாரி 2' படத்தில் யுவன்ஷங்கர் ராஜா இசையில் இடம் பெற்ற 'ரௌடி பேபி' பாடல் யு டியூபில் 1400 மில்லியன் பார்வைகளைக் கடந்து தென்னிந்திய சினிமா பாடல்களில் முதலிடத்தில் உள்ளது. இப்போதும் அந்தப் பாடலை தினமும் சில லட்சம் பேர் பார்த்துக் கொண்டுதான் இருக்கிறார்கள்.

தெலுங்குத் திரைப்படப் பாடலான 'அலா வைகுந்தபுரம்லோ' படத்தின் தமன் இசையில் இடம் பெற்ற 'புட்ட பொம்மா' பாடல் 800 மில்லியன் பார்வைகளைக் கடந்து இரண்டாவது இடத்திலும், அதே படத்தில் இடம் பெற்ற மற்றொரு பாடலான 'ராமுலு ராமுலா' பாடல் 565 மில்லியன் பார்வைகளைப் பெற்று மூன்றாம் இடத்தில் உள்ளது. 'புஷ்பா' தெலுங்குப் படத்தில் இடம் பெற்ற 'ஸ்ரீவள்ளி' பாடல் 561 மில்லியன் பார்வைகளைப் பெற்று நான்காம் இடத்தில் இருக்கிறது.

தென்னிந்தியத் திரைப்படப் பாடல்களில் நான்கு பாடல்கள் மட்டுமே 500 மில்லியன் பார்வைகளைக் கடந்த பாடல்களாக இருந்தன. அதிலும் ஒரே ஒரு தமிழ்ப் பாடல் மட்டுமே இதுவரையில் இடம் பெற்றிருந்தது. இப்போது இரண்டாவது பாடலாக 500 மில்லியன் பார்வைகளைக் கடந்த பாடலாக 'பீஸ்ட்' படத்தில் அனிருத் இசையில் இடம் பெற்ற 'அரபிக்குத்து' பாடல் இடம் பிடித்துள்ளது. ஒரு வருடத்திற்குள்ளாகவே இந்தப் பாடல் 500 மில்லியன் பார்வைகளைப் பெற்றது குறிப்பிட வேண்டிய ஒன்று.

இருப்பினும் 'மாரி 2' படத்தில் இடம் பெற்ற 'ரௌடி பேபி' பாடல் 150 நாட்களில் 500 மில்லியன் பார்வைகளை சாதனை படைத்ததை 'அரபிக்குத்து' பாடலால் முறியடிக்க முடியவில்லை.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1