Dinamalar

'வாரிசு' டிரைலர் எதிர்பார்ப்பு என்ன?

2023ம் ஆண்டு பொங்கல் வெளியீடுகள் அமோகமான ஆரோக்கியமான போட்டியில்தான் ஆரம்பமாக உள்ளது. விஜய் நடிக்கும் 'வாரிசு', அஜித் நடிக்கும் 'துணிவு' படங்கள் பொங்கலை முன்னிட்டு வெளியாக உள்ளன.

'துணிவு' படத்தின் டிரைலர் சில தினங்களுக்கு முன்பு வெளியாகி யு டியூபில் 44 மில்லியன் பார்வைகளைக் கடந்துள்ளது. இந்நிலையில் 'வாரிசு' படத்தின் டிரைலர் இன்று மாலை 5 மணிக்கு வெளியாக உள்ளது. 'துணிவு' டிரைலர் புதிதாக சாதனைகளைப் படைக்காமல் இருந்தாலும் அஜித் படங்களின் டிரைலர்களில் அதிகப் பார்வைகளைப் பெற்றுள்ள டிரைலர் என்ற சாதனையைப் படைத்துள்ளது.

விஜய்யின் 'வாரிசு' டிரைலர் இன்று மாலை வெளியாக உள்ள நிலையில் அது பற்றிய எதிர்பார்ப்பு அதிகமாக உள்ளது. 'துணிவு' டிரைலர் படைக்காத புதிய சாதனையை 'வாரிசு' டிரைலர் படைக்கும் என விஜய் ரசிகர்கள் ஆவலுடன் காத்திருக்கிறார்கள். இரண்டு படங்களின் சில பாடல்கள் இதற்கு முன்பு வெளியாகி இருந்தாலும் டிரைலர் மோதல்தான் பரபரப்பாகப் பேசப்படும்.

'வாரிசு' படம் குடும்பப் பாங்கான படம் என படக்குழுவினர் ஏற்கெனவே அறிவித்துவிட்டார்கள். அதற்கேற்றபடி குடும்பத்தினர் அனைவரையும் வரவேற்கும் விதத்தில்தான் அந்த டிரைலர் இருக்கும். தமிழ், தெலுங்கில் இன்று மாலை டிரைலர் வெளியாகப் போகிறது.

தமிழ் சினிமாவில் இதுவரையில் வெளியான டிரைலர்களில் விஜய் நடித்து வெளிவந்த 'பீஸ்ட்' டிரைலர்தான் 60 மில்லியன் பார்வைகளைப் பெற்று முதலிடத்தில் உள்ளது. அந்த சாதனையை சில தினங்களில் 'வாரிசு' டிரைலர் முறியடிக்க வாய்ப்புள்ளது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1