பாலியல் புகார் எதிரொலி ; ஜானி மாஸ்டரின் மனைவியும் கைதாகிறார் | வெங்கடேஷின் படப்பிடிப்பு தளத்திற்கு சர்ப்ரைஸ் விசிட் அடித்த பாலகிருஷ்ணா | நடிக்கவில்லை.. மகனாகவே வாழ்ந்தேன் ; கவியூர் பொன்னம்மா குறித்து மோகன்லால் உருக்கம் | தேவரா கூட்டணியில் துல்கர் சல்மான் ; பின்னணி இதுதான் | ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ? | துப்பாக்கி கனம் எப்படி இருக்கு?: சிவகார்த்திகேயன் சொன்ன பதில் | புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! |
நயன்தாரா நடிப்பில் சமீபத்தில் கனெக்ட் என்கிற ஹாரர் படம் வெளியாகி உள்ளது. பொதுவாக தான் நடிக்கும் படங்களின் புரமோஷன் நிகழ்ச்சிகளில் கலந்து கொள்ளாத நயன்தாரா, இந்தப்படம் தங்களது சொந்த தயாரிப்பு என்பதால் இந்தப் படத்தின் சிறப்பு காட்சியின்போது சென்னையில் உள்ள ஒரு பிரபல தியேட்டருக்கு தனது கணவர் விக்னேஷ் சிவனுடன் வருகை தந்தார். அதேசமயம் அந்த நிகழ்ச்சியில் அவர் அணிந்திருந்த உடை குறித்து சில சர்ச்சை கருத்துக்கள் சோசியல் மீடியாவில் வெளியாகின. அப்படி சமீபத்தில் ஒரு வலைதளம் ஒன்றில் வெளியாகி இருந்த அந்த புகைப்படத்திற்கு கீழாக நெட்டிசன்கள் பலர் ஆபாசமான கருத்துக்களை வெளியிட்டு வந்தனர்.
இந்த நிலையில் இதுகுறித்து கண்டிக்கும் விதமாக பின்னணி பாடகி சின்மயி அதே பக்கத்தில் தனது கருத்தை காட்டமாக பதிவு செய்து இருந்தார். ஆனால் சம்பந்தப்பட்ட வலைதள நிர்வாகம் சின்மயியின் கருத்தை மற்றவர்கள் பார்க்க முடியாத வகையில் மறைத்து விட்டது. இதைக்கண்டு இன்னும் கோபமான சின்மயி, “இது போன்ற ஆபாசமான கருத்துக்கள் வருவதாக தெரிந்தால் அவற்றை தடுத்து நிறுத்துவதற்கு முயற்சிப்பதற்கு பதிலாக என்னுடைய கருத்தை மற்றவர்கள் பார்வைக்கு செல்லாமல் தடுப்பதில் இருந்தே உங்கள் அட்மினின் லட்சணம் தெரிகிறது நிஜமாகவே பரிதாபமாக இருக்கிறது” என்று கூறியுள்ளார்.