Dinamalar

ராம் படப்பிடிப்பிற்காக மொராக்கோ பறந்த மோகன்லால் - ஜீத்து ஜோசப்

மோகன்லால், ஜீத்து ஜோசப் கூட்டணியில் வெளியான த்ரிஷ்யம் படத்தை தொடர்ந்து அவர்களது கூட்டணியில் இரண்டாவதாக அறிவிக்கப்பட்ட படம் ராம். இந்த படத்தில் திரிஷா கதாநாயகியாக நடிக்கிறார். இந்த படத்தின் படப்பிடிப்பு சில நாட்களே நடைபெற்றிருந்த நிலையில் கொரோனா தாக்கம் காரணமாக அப்படியே நிறுத்தப்பட்டது.

ராம் படத்தின் படப்பிடிப்பு பெரும்பாலும் வெளிநாடுகளில் படமாக்கப்பட வேண்டி இருப்பதால் அதன்பிறகு படப்பிடிப்பு தாமதமாகி வந்தது. அதன்பிறகு இவர்கள் கூட்டணி திரிஷ்யம்-2, டுவல்த் மேன் ஆகிய படங்களை அடுத்தடுத்து ரிலீஸ் செய்து வெற்றியும் பெற்றனர். இந்த நிலையில் ராம் படத்தின் ஒவ்வொரு கட்ட படப்பிடிப்பாக முடித்து வருகின்றார் ஜீத்து ஜோசப்.

அந்தவகையில் தற்போது மீண்டும் அடுத்த கட்ட படப்பிடிப்பிற்காக மொராக்கோ கிளம்பி சென்றுள்ளனர் மோகன்லாலும் ஜீத்து ஜோசப்பும். அங்கே 40 நாட்கள் படப்பிடிப்பை முடித்துவிட்டு, அங்கிருந்து துனிசியா மற்றும் இஸ்ரேல் ஆகிய இடங்களிலும் படப்பிடிப்பை தொடர்ந்து நடத்த இருக்கின்றனர். இந்த ஷெட்யூலுடன் ராம் படத்தின் படப்பிடிப்பு நிறைவு பெறும் என தெரிகிறது.

• 
  செல்போனை பறித்தாரா அக்ஷய் குமார் ? உண்மையை வெளியிட்ட லண்டன் ரசிகர்
• 
  என்னால் 12 மணிநேரம் கூட பணிபுரிய முடியும்! - நடிகை வித்யா பாலன்
• 
  3 நாயகிகள் இணையும் 'தி வைவ்ஸ்'
• 
  ஆக்ஷன் படங்கள் பண்ண ஆசை : திரிப்தி திம்ரி
• 
  100 கோடி வசூலைக் கடந்த 'சாயரா'

• 
  ஊழல் அரசியல்வாதிகளை தட்டிக் கேட்கும் ‛ஜனநாயகன்'
• 
  ஆபாச வெப் சீரிஸ் : 25 ஓடிடி தளங்களுக்கு மத்திய அரசு தடை
• 
  ‛விஸ்வாம்பரா' படத்தில் சிறப்பு பாடலுக்கு நடனமாடும் மவுனி ராய்
• 
  கதையில் சமரசம் செய்யாத ராஜமவுலி : பிருத்விராஜ் வெளியிட்ட தகவல்
• 
  டியூட் படத்தில் சிவகார்த்திகேயனா? வைரலாகும் வீடியோ