Dinamalar

வடிவேலு பெயரை முதலில் போட்ட 'மாமன்னன்' படக்குழு

'பரியேறும் பெருமாள், கர்ணன்' படங்களுக்குப் பிறகு மாரி செல்வராஜ் இயக்கி வரும் படம் 'மாமன்னன்'. உதயநிதி ஸ்டாலின் கதாநாயகனாக நடிக்க, கீர்த்தி சுரேஷ் கதாநாயகியாக நடிக்க மலையாள நடிகர் பகத் பாசில், நகைச்சுவை நடிகர் வடிவேலு முக்கிய கதாபாத்திரங்களில் நடிக்கின்றனர்.

ஏஆர் ரஹ்மான் இசையமைக்கும் இப்படத்தின் படப்பிடிப்பு முடிந்து இறுதிக் கட்டப் பணிகள் நடந்து வருகிறது. நேற்று உதயநிதி ஸ்டாலினின் பிறந்தநாளை முன்னிட்டு அவருக்கு 'மாமன்னன்' படக்கழு ஏஆர் ரஹ்மானின் வாழ்த்து வீடியோவுடன் படத்தின் சிறு முன்னோட்டம் ஒன்றையும் வெளியிட்டது.

அந்த வீடியோவின் இறுதியில் படத்தின் நட்சத்திரங்கள், டெக்னீஷியன் அடங்கிய போஸ்டரில் வடிவேலு பெயரைத்தான் முதலில் போட்டிருக்கிறார்கள். அவருக்கு அடுத்து பகத் பாசில், கீர்த்தி சுரேஷ் பெயர்களைப் போட்டுவிட்டு கடைசியாகத்தான் உதயநிதி ஸ்டாலின் பெயரைக் குறிப்பிட்டிருக்கிறார்கள்.

பொதுவாக எந்த ஒரு படத்தின் டைட்டில் சம்பந்தப்பட்ட போஸ்டர்களிலும் கதாநாயகன் பெயரைத்தான் முதலில் போடுவார்கள். அப்படியிருக்க இந்தப் படத்தின் போஸ்டரில் அவருடைய பெயரைக் கடைசியில் போட்டிருப்பது ஆச்சரியத்தை ஏற்படுத்துவதாக உள்ளது.

• 
  ரூ.60 கோடி மோசடி வழக்கு : நடிகை ஷில்பா ஷெட்டிக்கு எதிராக லுக் அவுட் நோட்டீஸ்
• 
  அக்டோபர் முதல் வாரத்தில் நெட்பிளிக்ஸில் வெளியாகும் ‛வார்-2'
• 
  நடிகை ஷில்பா ஷெட்டியின் ரெஸ்டாரன்ட் நாளை மூடப்படுகிறது!
• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்

• 
  பரவசம் உள்ள பக்தி பாடல், பலரும் ரசித்த திரைப்பாடல்... பாடி பறந்த பூவை ...
• 
  பாடலாசிரியர், கவிஞர் பூவை செங்குட்டுவன் காலமானார்
• 
  ஆசிய நடிகர் விருது வென்ற டொவினோ தாமஸ்
• 
  லப்பர் பந்துக்கு பிறகு 100 கதைகள் கேட்டும் திருப்தியில்லை : தினேஷ்
• 
  பிரேம்ஜியின் மனைவிக்கு வளைகாப்பு