Dinamalar

விஜய் உடன் நடித்ததே திருப்தி : பிரமிக்கும் சம்யுக்தா

கடந்த இரண்டு வருடங்களுக்கு முன்பு தமிழில் நடைபெற்ற பிக்பாஸ் சீசன் 4 நிகழ்ச்சியில், பெரிய அளவில் அறிமுகமில்லாத ஒரு போட்டியாளராக கலந்து கொண்டவர் சம்யுக்தா சண்முகம். அந்த நிகழ்ச்சியில் சக போட்டியாளருடன் கூட்டணி சேர்த்துக்கொண்டு நடிகர் ஆரியுடன் மோதல் போக்கை கடைப்பிடித்ததால் ரசிகர்களிடம் வெறுப்பை சம்பாதித்து விமர்சனத்திற்கு ஆளான சம்யுக்தா அதன்மூலமே பிரபலமும் ஆனார். தற்போது சுந்தர்.சி இயக்கத்தில் காபி வித் காதல் படத்தில் ஸ்ரீகாந்த் ஜோடியாக நடித்துள்ள சம்யுக்தா தெலுங்கில் விஜய் முதன் முதலாக நடித்து வரும் வாரிசு படத்திலும் முக்கிய கதாபாத்திரத்தில் நடித்துள்ளார்.

கொஞ்ச நேரமே வந்து போகும் கதாபாத்திரம் என்றாலும் விஜய்யுடன் நடித்த காட்சிகள் தனக்கு திருப்திகரமாக அமைந்தது என்று கூறியுள்ளார் சம்யுக்தா. படப்பிடிப்பில் விஜய்யுடன் நடித்த பழகிய அனுபவம் குறித்து கூறும்போது விஜய்யின் நடிப்பை, அவரது அர்ப்பணிப்பு உணர்வை நேரில் பார்ப்பது பிரமிப்பாக இருந்தது அவருடைய குடையை கூட அவரே தான் தன் கையில் வைத்துக்கொண்டு பிடித்துக் கொள்கிறார். அந்த அளவிற்கு அவர் எளிமையான மனிதர். அவரது நடிப்பை இன்னும் படம் வெளியாவதற்கு முன்பே பார்த்து ரசித்த முதல் ஆள் என்பதால் ஆசிர்வதிக்கப்பட்டவளாக உணர்கிறேன்” என்று விஜய் பற்றி பிரமித்து கூறியுள்ளார் சம்யுக்தா.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!