Dinamalar

சைமா விருதுகள் : சிறந்த நடிகர்களாக சிம்பு, சிவகார்த்திகேயன் தேர்வு

2022ம் ஆண்டுக்கான 'சைமா' விருதுகள் வழங்கும் விழா பெங்களூருவில் நடைபெற்றது. இதில் மாநாடு படத்தில் சிறப்பான நடிப்பை வெளிப்படுத்தியதற்காக நடிகர் சிம்புவுக்கு சிறந்த நடிகருக்கான விருது வழங்கப்பட்டது. சிறந்த நடிகைக்கான விருது நடிகை ஐஸ்வர்யா ராஜேஷுக்கு வழங்கப்பட்டது. 'திட்டம் இரண்டு' படத்தில் நடித்ததற்காக அவருக்கு இவ்விருது கிடைத்தது. தலைவி படத்தில் நடித்தமைக்காக கங்கனாவிற்கு சிறந்த நடிகைக்கான விருது வழங்கப்பட்டது.

பா.இரஞ்சித் இயக்கத்தில் ஆர்யா நடிப்பில் வெளியான 'சார்பட்டா பரம்பரை' சிறந்த படத்துக்கான விருது பெற்றது. சார்பட்ட பரம்பரையில் நடித்த ஆர்யாவுக்கும் சிறந்த நடிகர் விருது வழங்கப்பட்டது.

சிறந்த கதாநாயகனுக்கான விருது சிவகார்த்திகேயனுக்கு வழங்கப்பட்டது. டாக்டர் படத்திற்காக அவருக்கு இவ்விருது கிடைத்தது. அதே படத்திற்காக சிறந்த அறிமுக நடிகைக்கான விருதை பெற்றார் நடிகை பிரியங்கா மோகன். மேலும், டாக்டர் படத்தில் நடித்த ரெடின் கிங்ஸ்லி மற்றும் தீபா ஆகியோருக்கு சிறந்த காமெடி நடிகருக்கான விருது வழங்கப்பட்டது. யோகிபாபுவுக்கு முழு ஆண்டுக்குமான சிறந்த காமெடி நடிகர் விருது வழங்கப்பட்டது.

மாஸ்டர் படத்தை இயக்கிய லோகேஷ் கனகராஜுக்கு சிறந்த இயக்குனருக்கான விருது வழங்கப்பட்டது. சிறந்த அறிமுக இயக்குனருக்கான விருது மடோன் அஸ்வினுக்கு வழங்கப்பட்டது. யோகிபாபு நடிப்பில் வெளியான 'மண்டேலா' படத்தை இயக்கியதற்காக அவருக்கு இவ்விருது கிடைத்தது

நயன்தாரா நடித்த நெற்றிக்கண் படத்தில் "இதுவும் கடந்து போகும்..." என்ற பாடலை எழுதிய கார்த்திக் நேதாவுக்கு சிறந்த பாடலாசிரியருக்கான விருது வழங்கப்பட்டது. சிறந்த துணை நடிகருக்கான விருது அரவிந்த் சாமிக்கும், சிறந்த துணை நடிகைக்கான விருது லட்சுமி பிரியா சந்திரமவுலிக்கும் வழங்கப்பட்டது. மாநாடு படத்தில் நடித்த எஸ். ஜே சூர்யாவுக்கு சிறந்த வில்லன் வழங்கப்பட்டது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை
• 
  கதை என்னவென்று தெரியாமல் தான் எம்புரான் பட சென்சார் பிரச்னையில் ...
• 
  மகேஷ்பாபு, ரவீனா டாண்டன் குடும்ப வாரிசுகள் அறிமுகமாகும் படத்தில் இணைந்த ...
• 
  வெப் தொடரான ராஜேஷ்குமார் நாவல்
• 
  'வாரணாசி' பட விழா செலவு 27 கோடி, ஸ்ருதிஹாசனுக்கு ஒரு கோடி