Dinamalar

வெற்றிமாறனுக்கு வாழ்த்து சொல்லும் 'விடுதலை' குழு

தமிழ் சினிமாவின் முக்கியமான இயக்குனர்களில் ஒருவர் வெற்றிமாறன். 'பொல்லாதவன், ஆடுகளம், விசாரணை, வட சென்னை, அசுரன்' என கடந்த 15 வருடங்களில் ஐந்தே ஐந்து படங்களை மட்டுமே இயக்கியிருக்கிறார். ஒவ்வொரு படமும் ஒவ்வொரு விதமான வாழ்வியலை, பதிவைச் சொன்ன படங்கள். அதனாலேயே அவருக்கு சினிமாவைக் காதலிக்கும் ரசிகர்கள் அதிகமாக இருக்கிறார்கள்.

வெற்றிமாறன் தற்போது 'விடுதலை' என்ற படத்தை இயக்கி வருகிறார். சூரி, விஜய் சேதுபதி மற்றும் பலர் நடிக்க இளையராஜா இப்படத்திற்கு இசையமைக்கிறார். சில தினங்களுக்கு முன்புதான் இப்படம் இரண்டு பாகங்களாக வெளியாகும் என்ற அறிவிப்பு வெளியானது.

இன்று வெற்றிமாறன் தன்னுடைய பிறந்தநாளைக் கொண்டாடி வருகிறார். அவருக்கு சினிமா பிரபலங்களும் ரசிகர்களும் வாழ்த்து தெரிவித்து வருகிறார்கள். 'விடுதலை' படத்தின் கதையின் நாயகனான சூரி அவருடைய வாழ்த்தில், “மக்கள் வாழ்வியல் பேசும் உலக சினிமாவை தமிழ் மொழியில் தரும் மாபெரும் படைப்பாளி, அறம் போற்றும் விவசாயி, கடும் உழைப்பாளி அண்ணன் வெற்றிமாறன் அவர்களுக்கு பிறந்த நாள் வாழ்த்துகள்,” என்று வாழ்த்து தெரிவித்துள்ளார்.

மேலும் மற்றொரு நாயகன் விஜய் சேதுபதி, படத்தின் தயாரிப்பாளர் எல்ரெட் குமார், படத்தை வெளியிடும் உதயநிதி ஸ்டாலின் உள்ளிட்டோர் வாழ்த்துகளுடன், படம் இரண்டு பாகங்களாக வெளியாகும் என்பதை அதிகாரப்பூர்வமாக அறிவித்துள்ளார்கள்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்