Dinamalar

இசை வெளியீட்டு விழா : ஹெலிகாப்டரில் வந்திறங்கும் சிம்பு - கவுதம் மேனன்

கவுதம் மேனன் - சிம்பு கூட்டணியில் மூன்றாவது முறையாக உருவாகி உள்ள படம் ‛வெந்து தணிந்தது காடு'. சித்தி இட்னானி நாயகியாக நடித்துள்ளார். ராதிகா முக்கிய வேடத்தில் நடித்துள்ளார். ஏ.ஆர்.ரஹ்மான் இசையமைத்துள்ளார். செப்., 15ல் படம் திரைக்கு வர உள்ள நிலையில் இன்று(செப்., 2) படத்தின் இசை மற்றும் டிரைலர் வெளியீட்டு விழா பிரம்மாண்டமாய் நடைபெறுகிறது. இந்த படத்தை தயாரிக்கும் வேல்ஸ் பிலிம்ஸ் நிறுவனத்திற்கு சொந்தமான வேல்ஸ் பல்கலைக்கழகத்தில் இந்த விழா நடக்கிறது. இதற்காக கடந்த 10 நாட்களுக்கு மேலாக பிரமாண்ட அரங்குகள் உள்ளிட்டவைகள் அமைக்கும் பணி நடந்து வந்தது.

இதனிடையே லேட்டஸ்ட்டாக இந்த விழாவிற்கு நாயகன் சிம்பு, இயக்குனர் கவுதம் மேனன் ஆகியோர் ஹெலிகாப்டரில் வந்து இறங்குகிறார்களாம். இதற்காக கடந்த சில நாட்களாக ஒத்திகையும் நடந்துள்ளது. மாநாடு படத்தின் வெற்றிக்கு பின் சிம்பு நடிப்பில் அடுத்து வெளியாகும் படம் என்பதாலும், கவுதம் - சிம்பு படம் என்பதாலும் படம் மீதான எதிர்பார்ப்பு அதிகமாகவே உள்ளது. அதனால் இசை வெளியீட்டு விழாவையும் இப்படி பிரம்மாண்டமாய் நடத்துகின்றனர். இந்த நிகழ்ச்சி டிவி ஒன்றில் ஒளிபரப்பாக உள்ளது. வெந்து தணிந்தது காடு படத்தை தமிழகத்தில் உதயநிதியின் ரெட் ஜெயன்ட் மூவிஸ் வெளியிடுகிறது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு