Dinamalar

மலையாள திரைப்படத்தை வெளியிடும் கார்த்திக் சுப்பராஜ்

தமிழ் சினிமாவில், வித்தியாசமான கதையம்சம் கொண்ட படங்களை இயக்கி ரசிகர்களிடம் குறுகிய காலகட்டத்தில் வரவேற்பை பெற்றவர் இயக்குனர் கார்த்திக் சுப்பராஜ். குறிப்பாக விஜய்சேதுபதி, பாபி சிம்ஹா ஆகியோரின் திரையுலக பயணத்தில் திருப்புமுனையை ஏற்படுத்தியவர். ஒரு கட்டத்தில் ரஜினிகாந்தை வைத்து பேட்ட படத்தை இயக்கும் அளவுக்கு முன்னணி இயக்குனராக உயர்ந்தார்.

இன்னொரு பக்கம் ஸ்டோன் பெஞ்ச் என்கிற தயாரிப்பு நிறுவனத்தை துவங்கி புதிய இயக்குனர்கள் மற்றும் நட்சத்திரங்களையும் அறிமுகப்படுத்தி வருகிறார். மேலும் நான்கைந்து குறும்படங்களை கொண்ட ஆன்தாலாஜி படங்களையும் வெளியிட்டு வருகிறார்.

இந்த நிலையில் முதன்முதலாக 'அட்டென்ஷன் ப்ளீஸ்' என்கிற திரைப்படத்தை வெளியிடுவதன் மூலம் மலையாள திரையுலகிலும் காலடி எடுத்து வைத்துள்ளார் கார்த்திக் சுப்பராஜ். ஜிதின் இசாக் தாமஸ் என்பவர் இயக்கியுள்ள இந்த படத்தை கார்த்திகேயன் சந்தானம் என்பவர் தயாரித்துள்ளார். தனது ஸ்டோன் பென்ச் நிறுவனம் மூலம் இந்தப்படத்தை வரும் ஆகஸ்ட் 26 ஆம் தேதி தியேட்டர்களில் வெளியிட இருப்பதாக தனது மகிழ்ச்சியை வெளிப்படுத்தியுள்ளார் கார்த்திக் சுப்பராஜ்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்