23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு | விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' டிரைலர்! | பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி' | சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்! | தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை காட்சி ரத்து! | ரோமியோக்களால் மொபைல் நம்பரை மாற்றிய நடிகை | விரும்பிய கல்லூரியில் சேர குத்துச்சண்டை பழகிய பிரேமலு ஹீரோ | புஷ்பா 2 சம்பவம் எதிரொலி ; ஆர்யா-2 ரீ ரிலீஸான தியேட்டர்களில் பலத்த போலீஸ் பாதுகாப்பு | சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து | பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல |
சிம்புதேவன் இயக்கிய இம்சை அரசன் 24 ஆம் புலிகேசி படத்தில் நடித்தபோது ஏற்பட்ட பிரச்சனை காரணமாக வடிவேலுக்கு தயாரிப்பாளர் சங்கம் மறைமுகமாக ரெட் கார்டு போட்டு இருந்தது. இதன் காரணமாக சில வருடங்களாக எந்த படத்திலும் நடிக்காமல் இருந்த அவர் சமீபத்தில் அந்த தடை நீக்கப்பட்டதை அடுத்து சுராஜ் இயக்கும் நாய் சேகர் ரிட்டர்ன்ஸ் என்ற படத்தில் கதாநாயகனாக நடித்து வருகிறார். இதனை தொடர்ந்து மாரி செல்வராஜ் இயக்கி வரும் மாமன்னன் படத்திலும் நடித்து வருகிறார் வடிவேலு.
இந்த படத்தில் உதயநிதி ஸ்டாலின், கீர்த்தி சுரேஷ், பகத் பாசில் ஆகியோர் முக்கிய வேடங்களில் நடிக்கிறார்கள். இப்படத்தின் நான்காம் கட்ட படப்பிடிப்பு விரைவில் தொடங்க உள்ளது. இந்த நிலையில் தற்போது மாமன்னன் படத்தில் உதயநிதி ஸ்டாலினின் அப்பாவாக முதன்மை கதாபாத்திரத்தில் வடிவேலு நடித்து வருவதாக தகவல்கள் வெளியாகி உள்ளன. அதனால் நாய் சேகர் ரிட்டர்ன்ஸ் படத்தை தொடர்ந்து இந்த மாமன்னன் படமும் வடிவேலுவுக்கு கம்பேக் கொடுக்கக்கூடிய ஒரு திருப்புமுனை படமாக இருக்கும் என்று அப்படக்குழுவில் தெரிவிக்கிறார்கள்.