Dinamalar

கிரிக்கெட் வீரராக அறிமுகமான கவுதம் மேனன் மகன்

தமிழ்த் திரையுலகில் முன்னணி இயக்குனர்களில் ஒருவர் கவுதம் மேனன். அவரது காதல் படங்களுக்காகவே இளம் ரசிகர்களின் மத்தியில் அதிகம் பேசப்படும் இயக்குனர்.

கவுதம் மேனனுக்கு ஆர்யா யோஹன் மற்றும் துருவ் என இரண்டு மகன்கள் இருக்கிறார்கள். இவர்களில் ஆர்யா யோஹன் தற்போது டிஎன்பிஎல் கிரிக்கெட் போட்டியில் நெல்லை ராயல் கிங்ஸ் அணிக்காக விளையாடி வருகிறார். நேற்று சேலம் ஸ்பார்ட்டன்ஸ் அணிக்கு எதிராக நடைபெற்ற போட்டியில் களமிறங்கிய யோஹன் மூன்று ஓவர்கள் பந்து வீசி 26 ரன்களைக் கொடுத்து ஒரு விக்கெட்டை வீழ்த்தியுள்ளார்.

யோஹன் பற்றிய தகவல்கள் தற்போது சமூக வலைத்தளங்களில் பரவி வருகிறது. தன் மகன் பெயரில்தான் 'யோஹன் அத்தியாயம் ஒன்று' என விஜய் நடிக்க வேண்டிய ஒரு படத்திற்குப் பெயர் வைத்திருந்தார் கவுதம் மேனன். அவரது இரண்டாவது மகனின் பெயர் துருவ். அவர் பெயரை வைத்துத்தான் விக்ரம் நடித்து வரும் படத்திற்கு 'துருவ நட்சத்திரம்' என்றும் பெயர் வைத்திருப்பதாக சமூக வலைத்தளங்களில் பதிவிட்டுள்ளார்கள். இரண்டாவது மகன் துருவ்வும் கிரிக்கெட்டில் ஆர்வம் உடையவர்தானாம்.

அடுத்த சில வருடங்களில் கவுதம் மேனன் மகன் யோஹன் ஐபிஎல் போட்டிகளில் விளையாடினாலும் ஆச்சரியப்படுவதற்கில்லை.

• 
  மன்னிக்க முடியாதது : ஹேமமாலினி கோபம்
• 
  தீவிர மருத்துவ சிகிச்சையில் நடிகர் தர்மேந்திரா : உடல்நிலையில் ...
• 
  ஷாரூக்கானின் கிங் படத்தில் இணைந்த ஹாலிவுட் ஸ்டன்ட் மாஸ்டர்கள்
• 
  நகை கடத்தல் நடிகையின் கூட்டாளி நடிகருக்கு சிறையில் சொகுசு வசதி ; வெளியான ...
• 
  இரண்டு கைகளிலும் கடிகாரம் அணிவது ஏன் ? ; அபிஷேக் பச்சனின் அடடே விளக்கம்

• 
  தோட்டா தரணிக்கு செவாலியே விருது
• 
  மீண்டும் ரஜினியை இயக்குவது போன்று கமலையும் இயக்குவீர்களா? சுந்தர்.சி ...
• 
  நடிகர் அஜித் வீட்டிற்கு வெடிகுண்டு மிரட்டல்
• 
  ‛இன்று போய் நாளை வா' : கே.பாக்யராஜ் சொன்ன பிளாஷ்பேக்
• 
  ராஜமவுலி படத்தில் ஸ்ருதிஹாசன் பாடிய பாடல் வெளியீடு