Dinamalar

32 ஆண்டுகள் கழித்து முதல் ஹீரோவுடன் மீண்டும் இணையும் மீனா

1982ம் ஆண்டில் முதல் குழந்தை நட்சத்திரமாக நடிக்க தொடங்கிய மீனா, அன்புள்ள ரஜினிகாந்த் உள்ளிட்ட சில படங்களில் நடித்து பிரபலமானார். அதையடுத்து 1990ம் ஆண்டு தெலுங்கில் ராஜேந்திர பிரசாத்துக்கு ஜோடியாக நவயுகம் இந்தப்படத்தில் கதாநாயகியாக அறிமுகமானார். பின்னர், 1990, 2000 ஆண்டுகளில் தென்னிந்திய சினிமாவில் முன்னணி நடிகையாக வலம் வந்தார் மீனா. அந்த வகையில் அனைத்து தென்னிந்திய மொழி ஹீரோக்களுடனும் டூயட் பாடிவிட்டார், இந்நிலையில் தற்போது தனது சமூக வலைதளப் பக்கத்தில் தெலுங்கு நடிகர் ராஜேந்திர பிரசாத்துடன் தான் எடுத்துக் கொண்ட புகைப்படத்தை பதிவிட்டுள்ளார் மீனா. அதில், 32 ஆண்டுகள் கழித்து என்னுடைய முதல் ஹீரோவுடன் மீண்டும் நடிக்கிறேன் என்று தெரிவித்திருக்கிறார்.

• இவரை பற்றி
• செய்திகள்
• ஆல்பம்