Dinamalar

'ரவுடி பேபி' சாதனையை முறியடித்த ''அரபிக்குத்து'

யு டியூப் பிரபலமான பின் அதில் வெளியாகும் படங்களின் டீசர், டிரைலர், பாடல்கள் ஆகியவை படைக்கும் புதுப்புது சாதனைகள் படங்களுக்கு மிகப் பெரிய இலவச விளம்பரமாக அமைகின்றன.

தமிழ் சினிமா பாடல்களில் முதன் முதலாக அனிருத் இசையமைத்து தனுஷ் எழுதி பாடிய 'ஒய் திஸ் கொலவெறி' பாடல் யு டியூபில் முதன் முதலில் 100 மில்லியன் பார்வைகள் சாதனையைப் படைத்தது. அதற்குப் பிறகுதான் யு டியுபை இந்தியத் திரையுலகினர் அதிகமாகப் பயன்படுத்த ஆரம்பித்தனர். இந்தப் பாடலுக்குப் பிறகு பல பாடல்கள் 100 மில்லியன் சாதனையைப் படைத்தன.

ஆனால், 'மாரி 2' படத்தில் யுவன்ஷங்கர் ராஜா இசையமைப்பில், தனுஷ் எழுதி, தீ--யுடன் இணைந்து பாடிய 'ரவுடி பேபி' பாடல் வெறும் 16 நாட்களில் 100 மில்லியன் பார்வைகள் என்ற புதிய சாதைனையை படைத்தது. அதற்குப் பிறகு பல சூப்பர் ஹிட் பாடல்கள் வந்தாலும் அந்த சாதனை முறியடிக்கப்படாமல் இருந்தது.

இந்நிலையில் அனிருத் இசையமைப்பில், சிவகார்த்திகேயன் எழுதி, அனிருத், ஜோனிதா காந்தி பாடிய 'அரபிக்குத்து' பாடல் 12 நாட்களில் 100 மில்லியன் பார்வைகளைப் பெற்று புதிய சாதனையைப் படைத்துள்ளது.

'ரவுடி பேபி' பாடல் யு டியூபில் வெளியாகி கடந்த மூன்று வருடங்களில் 1300 மில்லியன் பார்வைகளைப் பெற்று தென்னிந்தியத் திரையுலகத்தின் முதல் அதிகப் பார்வை பாடல் என்ற பெருமையுடன் உள்ளது. இந்த சாதனையை வேறு எந்தப் பாடலாவது முறியடிக்க முடியுமா என்பது எதிர்காலத்தில்தான் தெரியும்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி