Dinamalar

'பான்--வேர்ல்டு' பாடலாக வரப் போகும் 'பீஸ்ட்' முதல் சிங்கிள்

தென்னிந்தியத் திரையுலகத்தில் 'பான்--இந்தியா' என்ற வார்த்தை கடந்த சில வருடங்களாகவே பரபரப்பாகப் பேசப்பட்டு வருகிறது. தெலுங்கில் வெளியான 'பாகுபலி' படங்களுக்குப் பிறகுதான் இது அதிகமானது.

'பாகுபலி' படத்தில் நடித்த பிரபாஸ் அதன்பின் பான்--இந்தியா ஸ்டார் ஆக உயர்ந்தார். சமீபத்தில் 'புஷ்பா' படத்தின் வெற்றி மூலம் அல்லு அர்ஜுனும் பான்--இந்தியா ஸ்டார் ஆக உயர்ந்துள்ளார். அவர்களைப் போல இன்னும் பல தமிழ், தெலுங்கு நடிகர்களுக்கு பான்--இந்தியா ஸ்டார் ஆக வேண்டும் என்ற ஆசை வந்துவிட்டது. வரும் காலங்களில் ஹிந்தி உட்பட ஐந்து மொழிகளில் தங்களது படங்களை வெளியிட வேண்டும் என தயாரிப்பாளர்களை வற்புறுத்தி வருகிறார்கள்.

இதனிடையே, 'பான்--வேர்ல்டு' என்ற புதிதாக ஒன்றைக் கண்டுபிடித்திருக்கிறார் சிவகார்த்திகேயன். நெல்சன் இயக்கத்தில் அனிருத் இசையமைப்பில் விஜய், பூஜா ஹெக்டே மற்றும் பலர் நடிக்கும் 'பீஸ்ட்' படத்தின் முதல் சிங்கிள் 'அரபிக் குத்து' வரும் பிப்ரவரி 14ம் தேதியன்று வெளியாக உள்ளது. அதற்கான அறிவிப்பு வீடியோ ஒன்றில் நெல்சன், அனிருத், சிவகார்த்திகேயன் ஆகியோர் பங்கேற்றனர். அதில் விஜய்யும் போன் வழியாக இணைந்து பேசினார். அந்த வீடியோவில் கடைசியாக “இந்தப் பாடல் 'பான்--வேர்ல்டு' பாட்டு சார்” என சிவகார்த்திகேயன் கமெண்ட் அடித்துள்ளார்.

ஆனால், இந்த அரபிக் குத்து வகைப் பாடல் 1996ம் வருடம் சுந்தர் சி இயக்கத்தில் சிற்பி இசையமைப்பில் 'அழகிய லைலா…' பாடலிலேயே வந்துவிட்டது என கமெண்ட் அடிக்கிறார்கள் சில ரசிகர்கள்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்