Dinamalar

1000 மில்லியன் வசூலைக் கடந்த 'ஸ்பைடர் மேன்'

'ஸ்பைடர்மேன் - நோ வே ஹோம்' படம் உலக அளவில் ஒரு பில்லியன் டாலர் வசூலைக் கடந்ததாக செய்திகள் வெளியாகி உள்ளது. கடந்த வாரம் முடிந்த கிறிஸ்துமஸ் விடுமுறையில் அந்த சாதனையை இந்தப் படம் பெற்றுவிட்டதாம். சோனி மற்றும் டிஸ்னி இருவரும் இணைந்து தயாரித்த இந்தப் படம் 2021ம் ஆண்டில் அதிக வசூலைப் பெற்ற ஹாலிவுட் படம் என்ற பெருமையைப் பெற்றுள்ளது.

2019ம் ஆண்டு வெளிவந்த 'ஸ்டார் வார்ஸ், தி ரைஸ் ஆப் ஸ்கைவாக்கர்' படம் தான் கடைசியாக ஒரு பில்லியன் டாலர் வசூலைக் கடந்த படமாக இருந்தது.

அமெரிக்காவில் 587 மில்லியன் யுஎஸ் டாலர், யுனைட்டட் கிங்டம் 68 மில்லியன், மெக்சிகோ 52 மில்லியன், தென் கொரியா 41 மில்லியன், பிரான்ஸ் 35 மில்லியன், பிரேசில் 31 மில்லியன், ஆஸ்திரேலியா 31 மில்லியன், இந்தியா 29 மில்லியன், ரஷ்யா 28 மில்லியன், இத்தாலி 21 மில்லியன், ஜெர்மன் 20 மில்லியன் என 1000 மில்லியன், அதாவது 1 பில்லியன் வசூலித்துள்ளது.

இந்தியாவில் மட்டும் இந்தப் படம் ரூபாய் மதிப்பில் 220 கோடி வசூலை இதுவரை கடந்துள்ளதாம். அமெரிக்க வசூல் ரூபாய் மதிப்பில் 4406 கோடி. ஒட்டு மொத்தமாக 1 பில்லியன் யுஎஸ் டாலர் என்பது ரூபாய் மதிப்பில் 7492 கோடி ரூபாய்.

'ஸ்பைடர் மேன், நோ வே ஹோம்' படம் 1500 கோடி ரூபாய் பட்ஜெட்டில் எடுக்கப்பட்ட ஒரு படம். மொத்த வசூல் மட்டும் சுமார் 7500 கோடி. பட்ஜெட்டை விட கூடுதலாக 6000 கோடி வசூலித்துக் கொடுத்துள்ளது. இந்த வசூல் படம் ஓடி முடிவதற்குள் இன்னும் அதிகமாகத்தான் இருக்கும்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்