Dinamalar

ஓடிடி வெளியீட்டில் தனுஷ் ஹிந்திப் படம் 'அத்ராங்கி ரே'

2013ம் ஆண்டு ஆனந்த் எல் ராய் இயக்கத்தில் வெளிவந்த 'ராஞ்சனா' படம் மூலம் ஹிந்தி சினிமாவில் நாயகனாக அறிமுகமானவர் தனுஷ். அதற்குப் பிறகு அமிதாப் உடன் இணைந்து 'ஷமிதாப்' படத்தில் நடித்தார். எட்டு வருட இடைவெளிக்குப் பிறகு மீண்டும் ஆனந்த் எல் ராய், தனுஷ் கூட்டணி இணைந்துள்ள படம் 'அத்ராங்கி ரே'. இந்த ஆண்டின் துவக்கத்திலேயே தியேட்டர்களில் வந்திருக்க வேண்டிய படம். கொரோனா தாக்கத்தால் தாதமாகி தற்போது ஓடிடி தளத்தில் வெளியாக உள்ளது.

நாளை(நவ., 24) இப்படத்தின் டிரைலரை வெளியிட உள்ளார்கள். அதற்கு முன்னதாக இன்று படத்தில் நடிக்கும் அக்ஷய்குமார், தனுஷ், சாரா அலிகான் ஆகியோரது கதாபாத்திர அறிமுகங்களை சிறு வீடியோக்களாக வெளியிட்டார்கள்.

ஏஆர் ரகுமான் இசையமைக்கும் இப்படத்தின் வெளியீட்டுத் தேதி இன்னும் அறிவிக்கப்படவில்லை. நாளை டிரைலருடன் பட வெளியீட்டுத் தேதியும் அறிவிக்கப்படலாம் எனத் தெரிகிறது.

தனுஷ் நடித்து கடைசியாக வெளிவந்த தமிழ்ப் படமான 'ஜகமே தந்திரம்' ஓடிடி தளத்தில்தான் வெளியானது. அடுத்து ஹிந்திப் படமான 'அத்ராங்கி ரே' படமும் ஓடிடியில்தான் வெளியாக உள்ளது. தனுஷ் தமிழில் நடித்து முடித்துள்ள 'மாறன்' படமும் ஓடிடி தளத்தில் வெளியாக உள்ளதாக செய்திகள் வெளியாகி உள்ளது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை
• 
  கதை என்னவென்று தெரியாமல் தான் எம்புரான் பட சென்சார் பிரச்னையில் ...
• 
  மகேஷ்பாபு, ரவீனா டாண்டன் குடும்ப வாரிசுகள் அறிமுகமாகும் படத்தில் இணைந்த ...
• 
  வெப் தொடரான ராஜேஷ்குமார் நாவல்
• 
  'வாரணாசி' பட விழா செலவு 27 கோடி, ஸ்ருதிஹாசனுக்கு ஒரு கோடி