Dinamalar

12 வருடம் கழித்து இணையும் மோகன்லால் - ஷாஜி கைலாஷ்

மலையாள திரையுலகின் பிரபல கமர்ஷியல் இயக்குனர் ஷாஜி கைலாஷ். தமிழில் அஜித்தின் ஜனா, விஜயகாந்தின் வாஞ்சிநாதன் மற்றும் நடிகர் ஆர்.கேவை வைத்து எல்லாம் அவன் செயல் உட்பட சில படங்களை இயக்கியுள்ளார். இடையில் கடந்த சில வருடங்களாக கொஞ்சம் தேக்கம் ஏற்பட, தற்போது மீண்டும் பெரிய நட்சத்திரங்களின் படங்களை இயக்க ஆரம்பித்துவிட்டார். அந்தவகையில் சுரேஷ்கோபி நடிப்பில் கடுவா என்கிற படத்தை இயக்கி முடித்துவிட்டார்.

இந்தப்படம் ரிலீசாவதற்கு முன்பாகவே மோகன்லாலை வைத்து தனது அடுத்த படத்தை இயக்கவுள்ளார் ஷாஜி கைலாஷ்.. இதற்கான அறிவிப்பை இன்று தானே வெளியிட்டுள்ள மோகன்லால், “பனிரெண்டு வருடங்கள் கழித்து நாங்கள் மீண்டும் இணைகிறோம்... நீண்ட நாள் காத்திருப்பு நிச்சயம் உங்கள் எதிர்பார்ப்பை வீணாக்காது, வரும் அக்டோபர் மாதம் இந்தப்படத்தின் படப்பிடிப்பு துவங்க உள்ளது” என கூறியுள்ளார்.

கடந்த 2009ல் இவர்கள் கூட்டணியில் கடைசியாக ரெட் சில்லிஸ் என்கிற படம் வெளியானது. அதற்கு முன்னதாக பாபா கல்யாணி, நாட்டுராஜாவு, ஆறாம் தம்புரான் என மோகன்லாலுக்கு பல ஹிட் படங்களை கொடுத்துள்ளார் இயக்குனர் ஷாஜி கைலாஷ்.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...