Dinamalar

நண்பர்கள் இருவருக்கு படம் இயக்கும் வாய்ப்பு ; துல்கர் சல்மானின் பிறந்தநாள் பரிசு

பொதுவாகவே பிரபல ஹீரோக்களின் பிறந்த நாட்களில் அவர்களது படங்கள் குறித்த டீசர், டிரைலர் அல்லது புதிய பட அறிவிப்புகள் வெளியாவது வழக்கம். நேற்று துல்கர் சல்மானின் பிறந்தநாளும் இதே ரீதியில் சில புதிய அறிவிப்புகளோடு அமர்க்களமாக முடிந்திருக்கிறது. குறிப்பாக தனது அடுத்தடுத்த இரண்டு படங்களை இயக்கும் வாய்ப்பை தனது இரண்டு நண்பர்களுக்கே கொடுத்து ஆச்சர்யப்பட வைத்துள்ளார் துல்கர் சல்மான்.

அதில் ஒருவர் மலையாள திரையுலகின் முன்னணி காமெடி நடிகரான சௌபின் சாஹிர். பிரேமம் படம் மூலம் காமெடி நடிகராக அறிமுகமான இவர், துல்கருடன் தொடர்ந்து இதுவரை 6 படங்களில் நண்பராக நடித்தவர்.. அதனாலாயே, இவரை 'பறவ' படம் மூலம் இயக்குனராக்கி, தானே படத்தை தயாரித்து, முக்கிய கதாபாத்திரத்திலும் நடித்தார் துல்கர் சல்மான். இப்போது இரண்டாவது முறையாக படம் இயக்கும் வாய்ப்பை இவருக்கு கொடுத்துள்ளார். படத்தின் பெயர் 'ஓதிரம் கடகம்' இதுவரை தான் நடித்திராத கதாபாத்திரமும் கதையும் என்பதால் உடனே ஒப்புக்கொண்டாராம் துல்கர்.

அடுத்ததாக 'கிங் ஆப் கொத்த'. மலையாள சினிமாவின் கமர்ஷியல் இயக்குனரான ஜோஷியின் மகன் அபிலாஷ் ஜோஷியை இந்தப்படத்தின் மூலம் இயக்குனராக அறிமுகப்படுத்துகிறார் துல்கர். இயக்குனர் ஜோஷி துல்கரின் தந்தையான மம்முட்டியை வைத்து சுமார் 50 படங்கள் வரை இயக்கியவர். அந்தவகையில் சிறுவயது முதலே நண்பனாக பழகிய அவரது மகனை இப்போது இயக்குனராக்கியுள்ளார் துல்கர் சல்மான்.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  சோசியல் மீடியாவில் 7 ஆண்டுகளாக அவதூறு பரப்பிய பெண்ணை அடையாளப்படுத்திய ...
• 
  அசினுடன் நடந்த டெஸ்ட் ஷூட் : பஹத் பாசிலுக்கு கைமாறிய பிரித்விராஜ் படம்
• 
  நடிகர் சங்கத்திற்கு பெண் தலைமை : மோகன்லால் ஆலோசனைப்படி வேட்பு மனுவை வாபஸ் ...
• 
  பிரசாந்த் நீல், ஜூனியர் என்டிஆர் படத்தில் இணைந்த டொவினோ தாமஸ்
• 
  வில்லன் நடிகரின் வீண் பிடிவாதத்தால் மோகன்லால் ராஜினாமா செய்தார் : மாலா ...