Dinamalar

காந்தாரா 2 படப்பிடிப்பில் படகு விபத்து நடந்ததா? : தயாரிப்பாளர் தரப்பு விளக்கம்

கடந்த மூன்று வருடங்களுக்கு முன்பு கன்னடத்தில் வெளியாகி மிகப்பெரிய வெற்றியை பெற்ற படம் காந்தாரா. ரிஷப் ஷெட்டி இயக்கி, நடித்த இந்த திரைப்படம் பின்னர் தமிழ் உள்ளிட்ட தென்னிந்திய மொழிகள் மட்டுமல்லாது பாலிவுட்டிலும் கூட கவனம் ஈர்த்தது. இதற்கு கிடைத்த வரவேற்பை தொடர்ந்து தற்போது இதன் இரண்டாம் பாகம் காந்தாரா சாப்டர் 1 என்கிற பெயரில் எடுக்கப்பட்டு வருகிறது. ஆனால் இந்த படம் துவங்கப்பட்டு கடந்த சில மாதங்களுக்கு உள்ளாகவே படப்பிடிப்பில் விரும்பத்தகாத சம்பவங்கள் அவ்வப்போது நடைபெற்று வருகின்றன.

குறிப்பாக சமீபத்தில் இந்த படத்தில் இடம்பெற்ற நடித்து வந்த இரண்டு மலையாள துணை நடிகர்கள் வெவ்வேறு நாட்களில் வெவ்வேறு இடங்களில் நடைபெற்ற படப்பிடிப்பின் போது எதிர்பாராத விதமாக உயிரிழந்தனர். குறிப்பாக கடந்த ஒரு வாரத்துக்குள்ளாகவே மலையாள நடிகர் ஒருவரின் மரணம் நிகழ்ந்த அதிர்வு அடங்குவதற்குள்ளாகவே தற்போது காந்தாரா 2 படப்பிடிப்பின் போது அவர்கள் பயன்படுத்திய படகு நீரில் மூழ்கியது என்றும் அதிர்ஷ்டவசமாக எந்த உயிர் சேதமும் யாருக்கும் எந்த காயமும் ஏற்படவில்லை என்று ஒரு தகவல் வெளியாகியுள்ளது.

படத்தில் அந்த படகு ஒரு கதாபாத்திரமாகவே இடம்பெறுகிறது என்றும் அதேசமயம் படப்பிடிப்பு உபகரணங்கள் சில தண்ணீரில் மூழ்கி சேதம் அடைந்ததாகவும் சொல்லப்படுகிறது. ஆனால் அப்படி விபத்து எதுவும் நடக்கவில்லை என்று படத்தின் தயாரிப்பு நிர்வாகி விளக்கம் அளித்துள்ளார்.

இது குறித்து அவர் கூறும்போது, “படக்குழுவினர் படகில் சென்றபோது விபத்து நடந்ததாக கூறுவதில் எந்த உண்மையையும் இல்லை. சொல்லப்போனால் விபத்தே நடக்கவில்லை. அங்கிருந்த ஒரு நீர்த்தேக்கத்தில் நிறுத்தி வைக்கப்பட்டிருந்த படகு ஒன்று அதிக காற்றின் காரணமாக தண்ணீரில் கவிழ்ந்தது. அந்த படகு கூட எங்களது படத்தில் இடம்பெறும் விதமாக இல்லை. நாங்கள் படப்பிடிப்பு நடத்தியபோது பின்னணியில் அந்த படகு இருந்தது. அவ்வளவுதான். இதனால் படப்பிடிப்பு தற்காலிகமாக நிறுத்தப்பட்டதாக வெளியான தகவலிலும் உண்மை இல்லை. தொடர்ந்து படபிடிப்பு நடைபெற்று வருகிறது” என்று கூறியுள்ளார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை