Dinamalar

தாடி பற்றிய விமர்சனம் ; தொடரும் டீசரில் பதில் சொன்ன மோகன்லால்

பிரித்விராஜ் டைரக்ஷனில் மோகன்லால் நடிப்பில் சமீபத்தில் ‛எம்புரான்' திரைப்படம் வெளியானது. ‛லூசிபர்' படத்தின் இரண்டாம் பாகமாக வெளியான இந்த படம் சில சர்ச்சைகளை சந்தித்தாலும் முதலுக்கு மோசம் இல்லாமல் ஓரளவு நல்ல வசூலையே பெற்றது. இதனை தொடர்ந்து அடுத்ததாக மோகன்லால் நடிப்பில் உருவாகியுள்ள ‛தொடரும்' திரைப்படம் வரும் ஏப்ரல் 25ம் தேதி வெளியாக இருக்கிறது. இயக்குனர் தருண் மூர்த்தி இயக்கியுள்ள இந்த படத்தில் நீண்ட வருடங்களுக்குப் பிறகு நடிகை ஷோபனா மீண்டும் மோகன்லாலுக்கு ஜோடியாக நடித்துள்ளார்.

இந்த படத்தின் டீசர் தற்போது வெளியாகி உள்ளது. இதில் மோகன்லால் கண்ணாடியை பார்த்து தனது தாடியை ட்ரிம் பண்ணிக் கொள்வது போன்ற காட்சியும் அதற்கு ஷோபனா தாடியை எடுக்கக் கூடாது என்று சொல்வது போன்று வசனம் இடம் பெற்றுள்ளது. அதற்கு மோகன்லால் என் தாடியில் உங்களுக்கு எல்லாம் என்ன பிரச்சனை என்று கொஞ்சம் நக்கலும் கோபமுமாக கேட்பது போல ஒரு வசனமும் இடம் பெற்றுள்ளது.

பொதுவாகவே மோகன்லால் பல நேரங்களில் வெளியே நிகழ்ச்சிகளில் தாடியுடன் கலந்து கொண்டு வருகிறார். சில படங்களிலும் கூட அவர் தாடி வைத்த கெட்டப்பில் சில கதாபாத்திரங்களில் நடித்து வருகிறார். ஆனால் சினிமா ரசிகர்கள் அவர் தாடி வைத்திருக்கும் தோற்றத்தை விமர்சித்து கிண்டலடிக்கும் விதமாக அவ்வப்போது கமெண்ட்டுகள் பதிவிடுவதை வாடிக்கையாக வைத்துள்ளனர். அதற்கு பதிலடி கொடுக்கும் விதமாகவே இந்த வசனத்தை இந்த டீசரில் சேர்த்து உள்ளார்கள் என்று தெரிகிறது.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...