Dinamalar

20ம் வருடத்தில் டிஜிட்டலில் ரீ ரிலீஸ் ஆகும் மோகன்லாலின் உதயநாணுதாரம்

சமீப காலமாகவே தமிழில் மட்டுமல்லாது மலையாளம், தெலுங்கு மொழிகளிலும் கூட பல வருடங்களுக்கு முன்பு ஹிட்டான படங்கள் தற்போது ரீ ரிலீஸ் செய்யப்படுவதும் அதற்கு ரசிகர்களிடம் மிகப்பெரிய வரவேற்பு கிடைத்து வருவதும் தொடர்ந்து நடைபெற்று வருகிறது. பல படங்கள் தாங்கள் ரிலீஸான சமயத்தை விட தற்போது நல்ல வசூலையும் அள்ளுகின்றன. அந்த வகையில் மலையாளத்தில் மோகன்லால் படங்கள் தான் அடிக்கடி ரீ ரிலீஸ் செய்யப்படுகின்றன. கடந்த வருடம் மோகன்லாலின் ஸ்படிகம், மணிசித்திரதாழ், பிரணயம் ஆகிய படங்களின் ரீ ரிலீஸ் செய்யப்பட்டன. தற்போது மோகன்லால் நடிப்பில் வெளியான உதயநாணுதாரம் படமும் 4K முறையில் டிஜிட்டலுக்கு மாற்றப்பட்டு ரிலீஸ் ஆக இருக்கிறது.

கடந்த 2005 ஜனவரி 21ம் தேதி வெளியான இந்த படம் தற்போது இருபதாம் வருடத்தை தொடுகிறது. அதை கொண்டாடும் விதமாக வரும் பிப்ரவரி மாதம் இந்தப் படத்தை அதன் தயாரிப்பாளரே ரீ ரிலீஸ் செய்ய திட்டமிட்டுள்ளார். இந்த படத்தில் மோகன்லால் கதாநாயகனாக நடிக்க வில்லத்தனம் கலந்த கதாபாத்திரத்தில் நடிகர் சீனிவாசன் நடித்திருந்தார். கதாநாயகியாக மீனா மற்றும் பாவனா ஆகியோர் நடித்திருந்தனர். '36 வயதினிலே' புகழ் ரோஷன் ஆண்ட்ரூஸ் தான் இயக்கியிருந்தார். இந்த படம் தான் பின்னர் தமிழில் பிரித்விராஜ், கோபிகா நடிக்க வெள்ளித்திரை என்கிற பெயரில் ரீமேக் செய்யப்பட்டது. வரும் ஜனவரி 30ம் தேதி மோகன்லால், ஷோபனா நடித்துள்ள 'தொடரும்' திரைப்படம் வெளியாவதால் இந்த படத்தின் ரீ ரிலீஸை பிப்ரவரியில் வைத்துள்ளார்கள்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...