Dinamalar

நடிகர் சித்திக்கிற்கு முன்ஜாமின் வழங்கிய உச்சநீதிமன்றம் ; புகாரளித்த நடிகையிடம் சராமரி கேள்வி

கடந்த இரண்டு மாதங்களுக்கு முன்பு கேரளாவில் நீதிபதி ஹேமா கமிஷன் அறிக்கை வெளியாகி மிகப்பெரிய பரபரப்பை ஏற்படுத்தியது. மலையாள திரை உலகில் வாய்ப்பு கொடுப்பதாக சொல்லி பெண்களிடம் பாலியல் ரீதியாக அத்துமீறும் போக்கு பல வருடங்களாக இருப்பதாக அந்த அறிக்கை சுட்டிக்காட்டியது. இதனை தொடர்ந்து பெரிய அளவில் அறிமுகம் இல்லாத பல நடிகைகள் கூட பிரபல நடிகர்கள், இயக்குனர்கள் மீது பாலியல் புகார் அளித்தனர். அப்படி திருவனந்தபுரத்தைச் சேர்ந்த பெண் ஒருவர் பிரபல குணச்சித்திர நடிகர் சித்திக் மீது பாலியல் புகார் அளித்தார்.

கிட்டத்தட்ட எட்டு வருடங்களுக்கு முன்பு ஒரு நாள் ஹோட்டலில் அவர் தன்னை பாலியல் பலாத்காரம் செய்ததாக அந்த புகாரில் அவர் குறிப்பிட்டு இருந்தார். கேரள போலீஸார் தன்மீது வழக்கு பதிந்த நிலையில் தான் கைது செய்யப்படாமல் இருப்பதற்காக கேரள உயர்நீதிமன்றத்தில் முன் ஜாமினுக்கு விண்ணப்பித்தார் சித்திக்.

ஆனால் அங்கு அவரது மனு நிராகரிக்கப்படவே சில நாட்கள் தலைமறைவாக இருந்த சித்திக் உச்சநீதிமன்றத்தை நாடி தான் கைது செய்யப்படாமல் இருக்க இடைக்காலத் தடை வாங்கினார். சமீபத்தில் சில நாட்களுக்கு முன்பு கூட அவரது இடைக்கால ஜாமின் மீண்டும் நீட்டிக்கப்பட்டது. இந்த நிலையில் தற்போது மீண்டும் விசாரணைக்கு இந்த வழக்கு வந்த நிலையில் உச்ச நீதிமன்றம் சித்திக்கிற்கு முன்ஜாமின் வழங்கி உத்தரவிட்டது.

மேலும் “சோசியல் மீடியாவில் உங்களால் தைரியமாக பதிவிட முடியும்போது ஏன் காவல் நிலையம் சென்று அப்போதே புகாரளிக்கவில்லை. எதற்காக புகார் அளிப்பதற்கு 8 வருடம் காத்திருந்தீர்கள் என புகார் அளித்த நடிகைக்கு கேள்வி எழுப்பியது நீதிமன்றம். அதற்கு நடிகை தரப்பில் பதில் அளித்த வழக்கறிஞர் தற்போது வெளியான நீதிபதி ஹேமா கமிஷன் அறிக்கை தைரியம் தந்தது என்றும், அதனால் நிச்சயமாக தனக்கு நீதி கிடைக்கும் என்றும் நம்பி தான் தற்போது மனுதாரர் புகார் அளிக்க முன் வந்தார் என்று கூறினார். ஆனால் அவரது வாதத்தை ஏற்றுக் கொள்ளாத நீதிமன்றம் சித்திக்கிற்கு முன்ஜாமின் வழங்கி உத்தரவிட்டுள்ளது.

• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!
• 
  அம்ரிதா பிரிதமின் வாழ்க்கை வரலாற்றில் நடிக்க விரும்பும் நிம்ரத் கவுர்
• 
  வார் 2 படத்தின் முக்கிய அப்டேட்

• 
  மம்முட்டி - கவுதம் மேனன் பட ஓடிடி ரிலீஸ் தாமதம் ஏன் ?
• 
  'ஸ்படிகம்' இயக்குனரை அழைத்து வந்து வித்தியாசமான முறையில் கவுரவித்த ...
• 
  அமெரிக்காவில் தெலுங்கு கலாச்சார விழாவில் பங்கேற்கும் அல்லு அர்ஜுன்
• 
  ராஜமவுலி, ஜூனியர் என்டிஆர் பட ரீ ரிலீஸில் அதிர்ச்சி : பாதியில் வெளியேறிய ...
• 
  பாகுபலி கதாசிரியரின் அறிவுறுத்தலின்படி கண்ணப்பாவில் மீண்டும் ...