Dinamalar

நடிகர் தர்ஷன் மீது போலீசில் புகாரளித்த பிக்பாஸ் போட்டியாளர்

பிரபல கன்னட நடிகர் தர்ஷன் தனது ரசிகரான ரேணுகா சுவாமி என்பவரை கொலைசெய்த வழக்கில் கைதாகி 100 நாட்களுக்கு மேல் சிறையில் அடைக்கப்பட்டிருந்தார். இந்த நிலையில் சமீபத்தில் தனக்கு முதுகு தண்டுவட அறுவை சிகிச்சை செய்ய வேண்டும் என நீதிமன்றத்தில் மனு செய்து 6 வாரங்கள் இடைக்கால ஜாமின் பெற்று வீடு திரும்பியுள்ளார் தர்ஷன்.

இந்தநிலையில் கன்னட தொலைக்காட்சி நடிகரும் தற்போது நடந்து கொண்டிருக்கும் கன்னட பிக் பாஸ் சீசன் 11ல் பங்கேற்று சமீபத்தில் எவிக்ட் ஆன போட்டியாளருமான வழக்கறிஞர் ஜெகதீஷ் என்பவர் தர்ஷன் மீதும் அவரது ரசிகர்கள் மீதும் போலீஸாரிடம் புகார் அளித்துள்ளார்.

இந்த புகாரில் ஜெகதீஷ் கூறும்போது, “நான் நடிகர் தர்ஷனை விமர்சித்து பேசியதற்காக அவரது ரசிகர்கள் ஆயிரக்கணக்கில் எனக்கு தொலைபேசியில் தொடர்பு கொண்டு கொலை மிரட்டல் விடுத்து வந்தனர். இந்த நிலையில் நான் பிக் பாஸ் நிகழ்ச்சியில் கலந்து கொண்டு தற்போது தான் அதிலிருந்து வெளியேறி வீட்டிற்கு வந்துள்ளேன். தர்ஷனின் ரசிகர்கள் மீண்டும் என்னை தாக்க முயற்சிக்கலாம். இதன் பின்னணிகள் தர்ஷன் தான் தூண்டுகோலாக இருந்து செயல்படுகிறார். அதனால் அவர்களிடம் இருந்து என்னையும் என் குடும்பத்தையும் பாதுகாப்பு அளிக்க வேண்டும். கொலை மிரட்டல் விடுத்த தர்ஷன் ரசிகர்கள் மற்றும் அவரது பின்னணியில் இருக்கும் தர்ஷன் ஆகியோர் மீது நடவடிக்கை எடுக்க வேண்டும்” என்று அவர் அந்த புகாரில் தெரிவித்துள்ளார்.

• செய்திகள்
• வந்த படங்கள்

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...