Dinamalar

மலைக்க வைக்கும் மலையாள படம் 'அஸ்த்ரா'

நடிகர் அமித் சகலக்கல் கதாநாயகனாக நடிக்கும் "அஸ்த்ரா' மலையாள திரைப்படம் டிசம்பர் மாதம் முதல் வாரத்தில் வெளிவர இருக்கிறது. இதில் போலீஸ் அதிகாரி வேடத்தில் அவர் நடித்துள்ளார்.

கதாநாயகியாக சுகாசினி குமரன் வயநாடு தலைசேரி காட்டில் தேன் எடுக்கும் பெண் தொழிலாளியாக நடித்துள்ளார். இவரை வன போலீஸ் அதிகாரிகள் பாலியல் பலாத்காரம் செய்து விடுகின்றனர். இதையடுத்து காட்டில் பெண் போராளியாக மாறும் சுஹாஷிசனி குமரன் தன்னை சீரழித்தவர்களை மர்மமான முறையில் கொலை செய்கிறார். இது தான் கதையின் அம்சம். சுகாசினி குமரன் தமிழில் நடிகர் யோகி பாபு நடித்த லக்கி மேன் திரைப்படத்தில் கதாநாயகியாகவும் நடித்துள்ளார்.

இப்படத்தின் மூலம் சிவாஜி பேரன் துஷ்யவந்த் முதன் முதலாக மலையாள படவுலகில் நுழையவுள்ளார். மோகன் சித்ரா இசையமைத்துள்ளார். ரோனி ரபேல் பின்னணி இசையும் ஹரி நாராயணன் பாடலும் எழுதி உள்ளனர். ஆஷாத் அலவின் இயக்கி உள்ளார்.

கலாபவன் ஷாஜோன் ஒரு முக்கிய போலீஸ் அதிகாரியாக நடிக்கிறார். திரைக்கதையை எழுத்தாளர்கள் வினோ கே மோகன், ஜி.ஜு ராஜ் எழுதியுள்ளனர். அகிலேஷ் மோகன் எடிட்டிங்கும், மணி பெருமாள் ஒளிப்பதிவும் செய்துள்ளனர். இந்த படத்தை தயாரித்துள்ள பிரேம் கல்லட் இந்த பட டிரைலரை வெளியிட்டுள்ளார். இது புலனாய்வு த்ரில்லராக வெளிவந்துள்ளது.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...