Dinamalar

சலார் படப்பிடிப்பிற்கு விசிட் அடித்த பிரித்விராஜின் மனைவி

மலையாள திரையுலகில் முன்னணி நடிகர்களில் ஒருவராக பிஸியாக நடித்து வருபவர் நடிகர் பிரித்விராஜ். தற்போது இயக்குனராகவும் மாறி படங்களை இயக்கி வருகிறார். அதேசமயம் மற்ற மொழி திரைப்படங்களில் நடிப்புக்கு முக்கியத்துவம் உள்ள கதாபாத்திரங்கள் தேடிவந்தால் மறுக்காமல் ஒப்புக்கொண்டு நடித்தும் வருகிறார். அந்தவகையில் தற்போது கேஜிஎப் புகழ் இயக்குனர் பிரசாந்த் நீல் டைரக்ஷனில் பிரபாஸ் நடித்து வரும் சலார் திரைப்படத்தில் வில்லனாக நடிக்கிறார் பிரித்விராஜ்.

இந்த படப்பிடிப்பு தளத்திற்கு பிரித்விராஜின் மனைவி சுப்ரியா மேனனும் விசிட் அடித்துள்ளார். இயக்குனர் பிரசாந்த் நீலுடன் இணைந்து எடுத்துக்கொண்ட புகைப்படம் ஒன்றை தனது சோசியல் மீடியா பக்கத்தில் வெளியிட்டுள்ள சுப்ரியா மேனன், “இந்தியாவின் மிகச்சிறந்த படைப்பாளிகளில் ஒருவரான பிரசாந்த் நீல் படப்பிடிப்பு தளத்தில் அவர் பணிபுரிவதை நேரில் பார்க்கும் பாக்கியம் எனக்கு கிடைத்தது. இந்த படத்தை அவர் உருவாக்குவதை பார்க்கும்போது இன்னும் பல சாதனைகளை இந்த படம் தகர்க்கும் என தெரிகிறது. உங்களுடைய எண்ணங்களை பார்வையை அழகாக திரையில் கடத்தும் அந்த வித்தையை பார்ப்பதற்கே ஆனந்தமாக இருந்தது” என்று இயக்குனர் பிரசாந்த் நீல் குறித்து சிலாகித்து கூறியுள்ளார் சுப்ரியா மேனன்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...
• 
  விடாப்பிடியாக நின்று மோகன்லாலை சந்தித்த 80 வயது ரசிகை
• 
  எங்களைப் பொறுத்தவரை உபேந்திரா தெலுங்கின் சூப்பர் ஹீரோ தான் : ராம் ...
• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்