Dinamalar

‛ராவணன்' புகழ் நடிகர் அர்விந்த் திரிவேதி காலமானார்

ராமானந்த சாகர் இயக்கத்தில் தூர்தர்ஷனில் ஒளிபரப்பான ‛ராமாயணம்' புராண தொடரில் ராவணனாக நடித்த அர்விந்த் திரிவேதி(82) உடல்நலக் குறைவால் காலமானார்.

இந்திய சீரியல்களில் மிகவும் பிரபலமானது தூர்தர்ஷன் டிவியில் ஒளிபரப்பான ‛ராமாயணம்'. இந்த தொடர் இந்தியாவின் பல மொழிகளிலும் வெளியானதால் பட்டிதொட்டியெங்கும் மக்கள் மத்தியில் வரவேற்பை பெற்றது. இதில் ராமர், சீதை, அனுமன், ராவணன் என அந்த கேரக்டரில் நடித்த ஒவ்வொருவரும் நடித்தார்கள் என்பதை விட அந்த கேரக்டராகவே வாழ்ந்தவர்கள் என்று சொல்லலாம். அந்தவகையில் இந்த தொடரில் ராவணனாக நடித்து புகழ்பெற்றவர் அர்விந்த் திரிவேதி. 300க்கும் மேற்பட்ட படங்களிலும் நடித்துள்ள இவர் சில சீரியல்களிலும் நடித்துள்ளார். 1991-96 காலக்கட்டத்தில் பா.ஜ., சார்பில் எம்பி.,யாகவும் பதவி வகித்துள்ளார்.

மும்பையில் வசித்து வந்த அர்விந்த் வயது மூப்பு காரணமாக நேற்று இரவு காலமானார். அவருக்கு பாலிவுட் திரையுலகினரும், ரசிகர்களும் இரங்கல் தெரிவித்துள்ளனர். குறிப்பாக ராமாயணம் சீரியலில் அவர் நடித்த காட்சிகளை குறிப்பிட்டு சமூகவலைதளங்களில் இரங்கல் தெரிவித்துள்ளனர். இவரது இறுதிச்சடங்கு இன்று நடக்கிறது.

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்