Dinamalar

ஜென் Z இளைஞர்களை கவர வருகிறது ‛பிரைம் டைம் வித் தி மூர்த்திஸ்' ஓடிடி தொடர்

மிகவும் எதிர்பார்க்கப்பட்ட ஓடிடி தொடர் ‛பிரைம் டைம் வித் தி மூர்த்திஸ்' வரும் ஜூலை 3ம் தேதி ரிலீஸாகிறது. எம்டிவி ஒரிஜினல் படைப்பாக இந்த ஓடிடி தொடர் தயாரிக்கப்பட்டுள்ளது. 90ஸ் கிட்ஸ், 2கே கிட்ஸ் பிரச்னைகளை தாண்டி சமீபகாலமாக அதிக பிரச்னைகளை சந்தித்து வரும் ஜென் Z பிரிவினரின் நவநாகரீக வாழ்க்கை எப்படி உள்ளது. அவர்கள் சந்திக்கும் சவால்களை காமெடி கலந்த கருத்துள்ள தொடராக ரசிகர்களுக்கு வழங்க எம் டிவி எடுத்துக் கொண்ட பெரும் முயற்சி தான் 'பிரைம்டைம் வித் தி மூர்த்திஸ்'.

தற்கால இந்திய இளைஞர்களின் வாழ்க்கையை இந்த எம்டிவி ஒரிஜினல் தொடர் ஆய்வு செய்கிறது. நவீன வாழ்க்கையின் சிக்கல்களை ஆராய்ந்து, உலகளாவிய மற்றும் தொடர்புடைய கருப்பொருள்களை இந்த தொடர் முன்வைக்கிறது. இது ஜென் Z மற்றும் அவர்களது குடும்பங்கள் பற்றி அறிந்து கொள்ளும் முதல் வகையான அனுபவமாக அமைகிறது. இந்தத் தொடர் ஜூலை 3ம் தேதியான இன்று முதல் ஜியோ சினிமா பிரீமியத்தில் ஆங்கிலம், இந்தி, கன்னடம் மற்றும் தமிழ் ஆகிய மொழிகளில் மாலை வெளியாகிறது.

இந்த தொடரின் இயக்குனரும், தயாரிப்பாளருமான அரவிந்த் சாஸ்திரி கூறுகையில், "இந்த தொடர் வெறும் பொழுதுபோக்கு மட்டுமல்ல; இது வளர்ந்து வரும் இந்திய குடும்பத்தை பிரதிபலிக்கும் கண்ணாடி - அதன் இயக்கவியல், அபிலாஷைகள் மற்றும் தாக்கங்கள். ஜென் Z மற்றும் அவர்களின் குடும்பங்கள் ஒன்றோடொன்று இணைக்கப்பட்ட கருப்பொருள்களுடன் இணைத்து, அவற்றை தொடர்புபடுத்தும் வகையில் இருக்கும்" என்றார்.

இந்தத் தொடரில் சுஷ்மா மூர்த்தியாக (அம்மா) சுகிதா ஐயர், மனோகர் மூர்த்தியாக (அப்பாவாக) ப்ரீதம் கோயில்பிள்ளை, நிஷா மூர்த்தியாக (மகள்) சஞ்சனா தாஸ், சிவ மூர்த்தியாக (மகன்) அம்ரித் ஜெயன் உள்ளிட்டோர் நடித்துள்ளனர். ஆறு அத்தியாயங்கள் இதில் உள்ளன. ஆன்லைன் கொடுமைப்படுத்துதல், சமூக ஊடக அடிமைத்தனம், பியர் பிரஷர், வசதி படைத்தோரின் கலாச்சாரம், தனிமை, போதைப்பொருள், தற்கொலை, இருமுனை அடையாள ஆய்வு போன்ற பல்வேறு கருப்பொருள்களை இது வெளிப்படுத்தும்.

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்