Dinamalar

போலா 2ம் பாகத்திற்கு லீட் கொடுத்த அபிஷேக் பச்சனின் சர்ப்ரைஸ் என்ட்ரி

தமிழில் லோகேஷ் கனகராஜ் இயக்கத்தில் கார்த்தி நடிப்பில் சில வருடங்களுக்கு முன்பு வெளியாகி மிகப்பெரிய வெற்றியைப் பெற்ற படம் கைதி. தற்போது இந்த படம் ஹிந்தியில் அஜய் தேவ்கன் நடிப்பில் போலா என்கிற பெயரில் ரீமேக் செய்யப்பட்டு, நாளை (மார்ச் 30) வழியாக இருக்கிறது. இந்த படத்தை தானே இயக்கியும் உள்ள அஜய் தேவ்கன். படத்தில் இன்னொரு முக்கிய கதாபாத்திரத்தில் போலீஸ் அதிகாரியாக நடித்திருந்த நரேன் கதாபாத்திரத்தை பெண்ணாக மாற்றி அதில் தனது ஆஸ்தான நடிகை தபுவை நடிக்க வைத்துள்ளார்.

இந்த நிலையில் இந்த படத்தில் பாலிவுட் நடிகர் அபிஷேக் பச்சனும் ஒரு சிறப்பு தோற்றத்தில் நடித்துள்ளார் என்கிற சஸ்பென்ஸ் உடைந்துள்ளது. இந்த படத்தின் ஒரிஜினலான கைதியில் கிளைமாக்ஸில் மட்டும் என்ட்ரி கொடுக்கும் ஹரிஷ் உத்தமனின் கதாபாத்திரத்தில் தான் அபிஷேக் பசான் நடித்துள்ளார். அதிலும் ஒரு கை இழந்த கதாபாத்திரத்தில் நடித்துள்ளார் அபிஷேக் பச்சன். கிளைமாக்ஸில் அஜய் தேவ்கனை பார்த்து பழிவாங்குவதாக சபதம் எடுக்கிறார் என்று இரண்டாம் பாகத்திற்கான லீட் கொடுப்பதாக இந்த காட்சியை உருவாக்கி உள்ளார்கள் என்று சமீபத்திய ஹிந்தி பத்திரிகையாளர் காட்சியில் படத்தைப் பார்த்தவர்கள் தகவலை வெளியிட்டுள்ளனர்.

இதற்கு முன்னதாக சில படங்களில் இணைந்து நடித்துள்ள அஜய் தேவ்கனும் அபிஷேக் பச்சனும் கடைசியாக 2012ல் போல் பச்சன் என்கிற படத்தில் இணைந்து நடித்திருந்தார்கள் என்பது குறிப்பிடத்தக்கது.

• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!
• 
  சூர்யாவின் 'கருப்பு' படத்தின் கிளைமாக்ஸை மாற்றும் ஆர்.ஜே.பாலாஜி!
• 
  விக்னேஷ் சிவனை தொடர்ந்து ரோல்ஸ் ராய்ஸ் ஸ்பெக்டர் எலக்ட்ரிக் கார் ...

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே