Dinamalar

கேஜிஎப் 2 ஹிந்தி டிரைலர் - 100 மில்லியன் சாதனை

இந்தியத் திரையுலகில் நேரடி ஹிந்திப் படங்களின் டிரைலர்களுக்குப் போட்டியாக 'கேஜிஎப் 2' ஹிந்தி டிரைலர் மற்றுமொரு புதிய சாதனையைப் படைத்துள்ளது. இந்த டிரைலர் யு டியூபில் தற்போது 100 மில்லியன் சாதனையைக் கடந்துள்ளது.

ஹிந்தித் திரையுலகத்தில் இதுவரையில் “வார், பாகி, பாகுபலி 2, ஜீரோ, ஹவுஸ்புல் 4, தக்ஸ் ஆப் ஹிந்துஸ்தான், சூர்யவன்ஷி, கபீர் சிங், டைகர் ஜிந்தா ஹை, சாஹோ” ஆகிய படங்களின் டிரைலர்கள்தான் 100 மில்லியன் சாதனையைக் கடந்துள்ளன.

அவற்றில் 'வார்' டிரைலர் இதுவரையிலும் 132 மில்லியன் பார்வைகளைப் பெற்றுள்ளது. தெலுங்கிலிருந்து ஹிந்திக்குப் போன 'பாகுபலி 2' டிரைலர் 123 மில்லியன் பார்வைகளையும், 'சாஹோ' டிரைலர் 102 மில்லியன் பார்வைகளையும் பெற்றுள்ளது.

'கேஜிஎப் 2' டிரைலர் வெளியான ஒரு மாதத்திற்குள்ளாக, 27 நாட்களில் இந்த 100 மில்லியன் சாதனையைப் படைத்துள்ளது குறிப்பிடத்தக்கது. இதற்கு முன்பு ஷாரூக்கான் நடித்த 'ஜீரோ' பட டிரைலர் 31 நாட்களில் 100 மில்லியன் சாதனையைப் படைத்திருந்தது. அந்த சாதனையை டப்பிங் படமான 'கேஜிஎப் 2' முறியடித்துள்ளது.

ஏற்கெனவே, 'கேஜிஎப் 2' டீசர் இந்திய அளவில் 257 மில்லியன் பார்வைகளைப் பெற்று முதலிடத்தில் உள்ளது. கடந்த ஒரு வருடத்திற்கும் மேலாக அந்த சாதனை இன்னும் முறியடிக்கப்படாமல் உள்ளது.

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்