Dinamalar

எதிர்பார்ப்பை எகிர வைக்கும் சின்னத்திரையின் புதிய காதல் ஜோடி

சமீப காலங்களில் தொலைக்காட்சி தொடர்களில் காதல் கதைகள் தனிப் பெரும் இடத்தை பிடித்து வருவது போல் அதில் நடிக்கும் நாயகன், நாயகியும் அவர்களுக்கு இடையே நடக்கும் ரொமான்ஸும் ரசிகர்களிடம் நல்ல வரவேற்பை பெற்று வருகிறது. அந்த வகையில் புதிய ஜோடியுடன் சுவாரசியமான காதல் கதையோடு விஜய் டிவியில் ஒரு புதிய தொடர் வெளிவந்துள்ளது.

விகடன் டெலிவிஸ்டாஸ் தயாரிப்பில், எஸ்.குமரன் இயக்கும் புதிய மெகா தொடர் "தமிழும் சரஸ்வதியும்". நாயகன், நாயகி இருவருக்குமே படிப்பில் பிரச்னை. தான் சரியாக படிக்காததால் தன் மனைவியாவது நன்றாக படித்திருக்க வேண்டும் என நினைக்கிறார் நாயகன். ஆனால், படிப்பில் திணறும் நாயகிக்கும் நாயகனுக்கும் எப்படி காதல் உருவ போகிறது என்பது தான் கதையின் மையக்கரு.

சரவணன் - மீனாட்சி தொடங்கி ஆதி - பார்வதி வரை இன்றைய தலைமுறையினர் தொலைக்காட்சி தொடர்களில் வரும் காதல் ஜோடிகளை கொண்டாடி பிரபலமாக்கி வருகின்றனர். அந்த வகையில் ஏற்கனவே தொலைக்காட்சி தொகுப்பாளர்களாகவும், சின்னத்திரை நட்சத்திரங்களாகவும் புகழ் பெற்ற தீபக் - நக்ஷத்திரா ஜோடி மீது எதிர்பார்ப்பு அதிகரித்துள்ளது. தீபக் தினகரனை ஏற்கனவே தென்றல் தொடரின் மூலம் காதல் நாயகனாக இயக்கிருந்தார் எஸ்.குமரன். இவர்களது கூட்டணியில் மீண்டும் ஓர் காதல் கதை என்பதும் நேயர்கள் எதிர்பார்ப்பை எகிர வைத்துள்ளது.

"தமிழும் சரஸ்வதியும்" தொடர் ஜுலை 12 ஆம் தேதி முதல் இரவு 7:30 மணிக்கு ஒளிபரப்பாகி வருகிறது.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  இதயக்கனி, திருப்பாச்சி, இந்தியன் 2 - ஞாயிறு திரைப்படங்கள்
• 
  'சரிகமப' வெற்றியாளர்களுக்கு பரிசு தொகை அறிவிப்பு
• 
  நான் ஏன் பிறந்தேன், தம்பிக்கு எந்த ஊரு, துணிவு - ஞாயிறு திரைப்படங்கள்
• 
  அரச கட்டளை, என் ஜீவன் பாடுது, லியோ : ஞாயிறு திரைப்படங்கள்
• 
  ஜீ 5 ஓடிடி மற்றும் ஜீ 5 தமிழ் டிவியி ஒளிபரப்பாகும் சூரியின் மாமன்