பாலியல் புகார் எதிரொலி ; ஜானி மாஸ்டரின் மனைவியும் கைதாகிறார் | வெங்கடேஷின் படப்பிடிப்பு தளத்திற்கு சர்ப்ரைஸ் விசிட் அடித்த பாலகிருஷ்ணா | நடிக்கவில்லை.. மகனாகவே வாழ்ந்தேன் ; கவியூர் பொன்னம்மா குறித்து மோகன்லால் உருக்கம் | தேவரா கூட்டணியில் துல்கர் சல்மான் ; பின்னணி இதுதான் | ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ? | துப்பாக்கி கனம் எப்படி இருக்கு?: சிவகார்த்திகேயன் சொன்ன பதில் | புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! |
தமிழகத்தில் கொரோனா இரண்டாவது அலைக்குப் பின்பு, இன்று முதல் தியேட்டர்கள் திறக்கப்பட்டுவிட்டன. மக்களை மீண்டும் தியேட்டர்கள் பக்கம் வரவழைக்க பெரிய நடிகர்களின் படங்கள் வந்தாக வேண்டும். தமிழ் சினிமாவில் தற்போது உருவாகி வரும் பெரிய படங்களில் ஒன்றான ரஜினிகாந்த் நடித்துள்ள 'அண்ணாத்த' படத்தை தீபாவளி வெளியீடாக நவம்பர் 11ம் தேதிதான் வெளியிட உள்ளார்கள். அதற்கான அறிவிப்பையும் எப்போதோ வெளியிட்டு விட்டார்கள்.
அதற்கடுத்து பெரிய படம் என்றால் 'வலிமை' மட்டும்தான். இப்படத்திற்கான ஒரு வாரப் படப்பிடிப்பு மட்டுமே பாக்கியுள்ளதாக கடந்த சில மாதங்களாகவே சொல்லி வருகிறார்கள். மற்ற படப்பிடிப்பு வேலைகள் முடிவடைந்துவிட்டது. படத்திற்கான இறுதிக் கட்டப் பணிகளும் ஏற்கெனவே நடந்து வருகிறது.
விசேஷ நாட்களில், விடுமுறை நாட்களில்தான் பெரிய படங்கள் வெளியாகும். அந்த விதத்தில் ஆயுத பூஜை, விஜயதசமி விடுமுறை நாட்கள் அக்டோபர் மாதம் 14 மற்றும் 15 ஆகிய தேதிகளில் வருகிறது. அதற்கடுத்த இரண்டு நாட்களும் சனி மற்றும் ஞாயிற்றுக் கிழமை என்பதால் அந்த சமயம் 'வலிமை' படத்தை வெளியிட சரியான தினம் என தியேட்டர்காரர்கள் கருதுகிறார்கள்.
இன்னும் சுமார் 50 நாட்கள் இருக்கிறது. அதற்குள் படத்தின் எஞ்சிய வேலைகளை முடித்து, படத்தின் வியாபாரத்தையும் முடிக்கவும் முடியும் என்கிறார்கள்.
படத்தைத் தியேட்டர்களில் மட்டும்தான் வெளியிட வேண்டும் என்பதுதான் அஜித்தின் கண்டிஷன் என்பது நமக்குக் கிடைத்த தகவல். எனவே, தியேட்டர்காரர்களின் எதிர்பார்ப்பின் படி அக்டோபர் 14 படத்தை வெளியிட அஜித் முடிவு செய்தால் அக்டோபர் மாதம் அஜித்தின் வலிமையான கொண்டாட்டமாக அமைந்துவிடும்.