Dinamalar

தியேட்டர்களில் வெளியாகும் 'லவ் ஸ்டோரி'

தெலுங்குத் திரையுலகத்தின் முக்கிய இயக்குனர்களில் ஒருவர் சேகர் கம்முலா. 2017ல் அவரது இயக்கத்தில் வெளிவந்த 'பிடா' படத்திற்குப் பிறகு நான்கு வருடங்களுக்குப் பிறகு அவர் இயக்கியுள்ள 'லவ் ஸ்டோரி' படம் வெளியாக உள்ளது.

இந்தப் படத்தை ஓடிடியில் வெளியிட உள்ளதாக கடந்த சில வாரங்களாக தகவல் பரவியது. ஆனால், தியேட்டர்களில்தான் வெளியிடுவோம் என படக்குழுவினர் தெரிவித்திருந்தார்கள். தற்போது அதை உறுதி செய்யும் விதத்தில் செப்டம்பர் 10ம் தேதி வினாயகர் சதுர்த்தியன்று படத்தை வெளியிடப் போவதாக அதிகாரப்பூர்வமாக அறிவித்துள்ளார்கள்.

நாக சைதன்யா, சாய் பல்லவி, தேவயானி மற்றும் பலர் நடித்துள்ள இந்தப் படத்தில் பவன் இசையமைப்பில் வெளிவந்த 'சாரங்க தரியா' பாடல் சூப்பர் ஹிட்டாகி, யு டியுபில் 300 மில்லியன் பார்வைகளைக் கடந்துள்ளது. தெலுங்கு ரசிகர்களிடம் பெரும் எதிர்பார்ப்பை இந்தப் படம் ஏற்படுத்தியிருக்கிறது.

சேகர் கம்முலா இயக்கிய 'பிடா' படம் போலவே இந்தப் படமும் இனிமையான காதல் கதையாக இருக்கும் என ரசிகர்கள் ஆவலுடன் காத்திருக்கிறார்கள். இந்தப் படத்திற்குப் பிறகு தனுஷ் கதாநாயகனாக நடிக்க உள்ள பிரம்மாண்ட படத்தை இயக்கப் போகிறார் சேகர் கம்முலா.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  பிளாஷ்பேக் : சினிமா பார்க்கச் சொல்லி உருவான தனிப்பாடல்
• 
  2025ல் காமெடிக்கு பஞ்சம்: தியேட்டரில் சிரிப்பு சத்தம் கேட்கல
• 
  அடுத்த படம் குறித்து ஏ.ஆர்.முருகதாஸ் வெளியிட்ட தகவல்
• 
  'டாக்சிக்' படத்தில் கங்காவாக நயன்தாரா!
• 
  'தி பெட்' படம், ஹீரோ ஸ்ரீகாந்த், ஹீரோயின் சிருஷ்டி புறக்கணிப்பு