Dinamalar

ஒரு எழுத்தில் பெயரைச் சுருக்கிய சமந்தா

தமிழ், தெலுங்கில் முன்னணி நடிகைகளில் ஒருவராக இருப்பவர் சமந்தா. சென்னையைச் சேர்ந்த சமந்தா, தெலுங்கு நடிகரான நாக சைதன்யாவை காதல் மணம் செய்து கொண்டார். நாக சைதன்யா மறைந்த மூத்த நடிகர் அக்கினேனி நாகேஸ்வரராவின் பேரனும், நடிகர் நாகார்ஜுனாவின் மகனுமாவார்.

தனக்கு நாக சைதன்யாவுடன் திருமணம் முடிந்த பிறகு மாமனார் வீட்டு குடும்பப் பெயரான அக்கினேனி என்பதை தனது பெயருடன் சேர்த்து சமூக வலைத்தளங்களில் சமந்தா அக்கினேனி என மாற்றிக் கொண்டார்.

தற்போது 'எஸ்' என்ற ஒரே ஒரு ஆங்கில எழுத்தில் அந்தப் பெயரை மாற்றியுள்ளார். இது படத்திற்கான பிரமோஷனா அல்லது ஏதாவது வியாபாரம் சம்பந்தப்பட்ட பிரமோஷனா என்பது தெரியவில்லை. டுவிட்டர் தளத்தில் மட்டும் தான் சமந்தா இப்படி பெயரை மாற்றியுள்ளார். பேஸ்புக், இன்ஸ்டாகிராம் தளங்களில் மாற்றவில்லை.

அதே சமயம், இன்ஸ்டாகிராமில் 'எஸ் பிலீவ்' என்று தனது பெயருக்குக் கீழே குறிப்பிட்டுள்ளார். “ஆம், நம்பு' என்ற அர்த்தத்தில் அவர் குறிப்பிட்டுள்ளதற்கான காரணம் விரைவில் தெரிய வரலாம்.

சமந்தா தற்போது தெலுங்கில் 'சாகுந்தலம்' என்ற படத்திலும், தமிழில் விஜய் சேதுபதி, நயன்தாராவுடன் 'காத்து வாக்குல ரெண்டு காதல்' படத்திலும் நடித்து வருகிறார்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ஹரிஷ் கல்யாண் நடிக்கும் 'தாஷமக்கான்'
• 
  மணிரத்னம் படத்தில் நடிக்க மறுத்தாரா சாய் பல்லவி?
• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா