Dinamalar

விஜய் 66 அப்டேட் கொடுத்து டெலிட் செய்த க்ரிஷ்

கார்த்தி, நாகார்ஜுனா, தமன்னா நடித்த 'தோழா' படத்தை இயக்கிய தெலுங்குத் திரையுலகின் முன்னணி இயக்குனர்களில் ஒருவரான வம்சி பைடிபள்ளி விஜய்யின் 66வது படத்தை இயக்கப் போவதாக கடந்த சில வாரங்களாகவே பேசப்பட்டு வருகிறது. விஜய் பிறந்தநாளன்றும், வம்சியில் நேற்றைய பிறந்த நாளன்றும் அப்படத்தின் அறிவிப்பு வரும் என்று எதிர்பார்க்கப்பட்ட நிலையில் எதுவும் வரவில்லை.

இயக்குனர் வம்சி நேற்று அவருடைய பிறந்தநாளுக்காக ஐதராபாத்தில் பார்ட்டி ஒன்றை வைத்துள்ளார். அதில் கார்த்தி, கீர்த்தி சுரேஷ், சங்கீதா, சோனு சூட், தயாரிப்பாளர்கள் தில் ராஜு, அல்லு அரவிந்த், மெஹர் ரமேஷ், அனில் ரவிப்புடி உள்ளிட்டோர் கலந்து கொண்டனர்.

வம்சி பைடிபள்ளிக்கு டுவிட்டரில் பிறந்த நாள் வாழ்த்து தெரிவித்த நடிகை சங்கீதாவின் கணவரும், பாடகருமான கிரிஷ், “எனது அபிமானத்திற்கு உரிய மனிதர், இயக்குனர்களில் ஒருவரான வம்சிக்கு மகிழ்ச்சியான பிறந்தநாள் வாழ்த்துகள். சிறப்பான வருடமாக அமைய வாழ்த்துகள் நண்பரே. விஜய் அண்ணாவுடன் உங்களுடைய அடுத்த படத்திற்காக வாழ்த்துகள், காத்திருக்கிறோம்,” என நேற்று மாலை டுவீட் செய்துள்ளார். அதன்பின் அந்த டுவீட்டை டெலிட் செய்துவிட்டார். ஆனாலும், அதை ஸ்கிரீன்ஷாட் எடுத்து வைத்துக் கொண்ட விஜய் ரசிகர்கள், விஜய் 66 படத்தின் அப்டேட் குறித்து மகிழ்ச்சி தெரிவித்து அதை பரவச் செய்தனர்.

அதிகாரப்பூர்வ அறிவிப்பு வருவதற்கு முன்னரே வம்சி ஒரு பேட்டியில் விஜய் படம் பற்றி குறித்து பேசியிருந்தார். நேற்று க்ரிஷ் டுவீட் செய்து டெலிட் செய்துவிட்டார். விஜய் 66 விவகாரத்தில் இவர்கள் ஏன் இவ்வளவு அவசரப்படுகிறார்கள் என கோலிவுட்டில் கிசுகிசுக்கிறார்கள்.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி