Dinamalar

தனுஷை அணுகும் மற்றொரு தெலுங்கு நிறுவனம்

தமிழ்த் திரையுலகத்தின் முன்னணி நடிகர்களில் ஒருவரான தனுஷ், தற்போது ஹாலிவுட் படமான 'த கிரே மேன்' படத்தில் நடிக்க அமெரிக்கா சென்றார். விரைவில் அவர் அங்கிருந்து இந்தியா திரும்ப உள்ளார்.

வந்ததுமே அடுத்த மாதம் முதல் கார்த்திக் நரேன் இயக்கி வரும் தன்னுடைய 43வது படத்தின் படப்பிடிப்பில் கலந்து கொள்கிறார். அதற்கடுத்து அண்ணன் செல்வராகவன் இயக்கத்தில் 'நானே வருவேன்' படத்தில் ஆகஸ்ட் மாதம் முதல் நடிக்கப் போகிறார். அதற்கடுத்து தெலுங்கு இயக்குனர் சேகர் கம்முலா இயக்க உள்ள படத்தில் நடிப்பார் எனத் தெரிகிறது. இப்படத்தை தெலுங்கு நிறுவனம் ஒன்றுதான் தயாரிக்கிறது.

இதனிடையே, பிரபல தெலுங்கு தயாரிப்பு நிறுவனமான சிதாரா என்டர்டெயின்மென்ட் தங்களது தயாரிப்பில் தனுஷை நடிக்க வைக்க பேச்சு வார்த்தை நடத்தி வருவதாகத் தெரிகிறது. தெலுங்கில் 'பிரேமம், ரணரங்கம், ஜெர்ஸி, பீஷ்மா, ரங்தே' உள்ளிட்ட படங்களைத் தயாரித்துள்ள நிறுவனம் இது. தங்களது தயாரிப்பில் தனுஷ் நடிப்பதற்காக அவருக்கு பெரிய தொகை ஒன்றை சம்பளமாகத் தரவும் அந்த நிறுவனம் தயாராக இருக்கிறதாம்.

தெலுங்கிலிருந்து வரும் நிறுவனங்கள் இங்குள்ள தமிழ் நடிகர்களின் சம்பளத்தை உயர்த்தித் தருவதைப் பார்த்து தமிழ்த் தயாரிப்பாளர்கள் எரிச்சலில் இருப்பதாகவும் ஒரு தகவல்.

• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்

• 
  பிளாஷ்பேக்: ஒரே படத்தின் கதையை இருவேறு காலங்களில் இயக்கிய இயக்குநர்
• 
  'பென்ஸ்' படத்தில் இணையும் ஹரிஷ் கல்யாண், மூன்று நாயகிகள்
• 
  பாலகிருஷ்ணா பிறந்தநாளில் வெளியான ‛அகண்டா 2' அறிமுக டீசர்
• 
  வெற்றிமாறனை சுற்றி வரும் வதந்திகள், பதில் சொல்வாரா ?
• 
  நயன்தாரா படத்தை தொடர்ந்து திலீப் படத்தை இயக்கும் வாரிசு நடிகர்