Dinamalar

பெரிய படங்களை வாங்கிக் குவித்த தெலுங்கு டிவி

தெலுங்குத் திரையுலகத்தில் சில பல பிரம்மாண்டமான படங்கள் தயாராகி வருகின்றன. பொதுவாகவே, முன்னணி நடிகர்கள் நடிக்கும் படங்களுக்கும், பிரம்மாண்டமான படங்களுக்கும் தியேட்டர் வியாபாரத்தில் இருக்கும் போட்டி போலவே சாட்டிலைட் டிவி உரிமை, புதிதாக ஓடிடி தள உரிமை ஆகியவற்றிற்கும் கடும் போட்டி நிலவும்.

தெலுங்கில் நம்பர் 1 இடத்தில் இருக்கும் டிவியான ஸ்டார் மா, தெலுங்கில் இந்த வருடமும் அடுத்த வருடமும் வெளிவர உள்ள சில புதிய படங்களின் சாட்டிலைட் உரிமையை வாங்கிக் குவித்துள்ளது. இது பற்றிய அதிகாரப்பூர்வ அறிவிப்பையும் அந்த டிவி நேற்று வெளியிட்டுள்ளது.

அதன்படி, ராஜமௌலி இயக்கத்தில் ஜுனியர் என்டிஆர் ராம் சரண் நடிக்கும் 'ஆர்ஆர்ஆர்', மகேஷ் பாபு நடிக்கும் 'சர்காரு வாரிபாட்டா', அல்லு அர்ஜுன் நடிக்கும் 'புஷ்பா', பாலகிருஷ்ணா நடிக்கும் 'அகாண்டா', ரவி தேஜா நடிக்கும் 'கிலாடி', நானி நடிக்கும் 'டக் ஜகதீஷ்', நிதின் நடிக்கும் 'மேஸ்ட்ரோ' நாக சைதன்யா நடிக்கும்' லவ் ஸ்டோரி', அகில் நடிக்கும் 'மோஸ்ட் எலிஜிபிள் பேச்சுலர்', ஆகிய படங்களின் சாட்டிலைட் உரிமைகளை பலத்த போட்டிக்கிடையில் வாங்கியுள்ளது.

இவ்வளவு பெரிய படங்களை அந்த டிவி வாங்கியுள்ளது திரையுலகத்தில் உள்ளவர்களுக்கும், மற்ற போட்டி டிவிக்களுக்கும் ஆச்சரியத்தை ஏற்படுத்தியுள்ளதாம். விரைவில் வெளியாக உள்ள இப்படங்கள் ஸ்டார் மா டிவியில் ஒளிபரப்பாகும். இப்படங்கள் மூலம் தங்களது ரேட்டிங்கை அந்த டிவி மேலும் முன்னெடுத்துச் செல்லும் என்ற எதிர்பார்ப்பு எழுந்துள்ளது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்