Dinamalar

தனுஷ் நடிக்கும் தி கிரே மேன் படப்பிடிப்பு நிறைவு

ஹாலிவுட்டின் புகழ் பெற்ற இயக்குனர்களான ரூசோ பிரதர்ஸ் இயக்கத்தில் தனுஷ் நடிக்கும் ஹாலிவுட் படமான தி கிரே மேன் படத்தின் படப்பிடிப்பு நேற்றுடன் நிறைவடைந்துள்ளது.

இப்படத்தின் படப்பிடிப்பில் கலந்து கொள்வதற்காக பிப்ரவரி மாதம் தனது குடும்பத்தாருடன் அமெரிக்கா சென்றார் தனுஷ். படத்தின் முழு படப்பிடிப்பையும் முடிக்கும் வரை அவர் அமெரிக்காவிலேயே தங்கியிருந்து முடித்துக் கொடுத்துள்ளார். இதனால் தமிழக சட்டசபை தேர்தலில் கூட ஓட்டளிக்க அவர் வரவில்லை.

தனுஷ் எப்போது இந்தியா திரும்புவார் என்பது இனிமேல்தான் தெரிய வரும். அவரது மாமனார் ரஜினிகாந்தும் மருத்துவ பரிசோதனைக்காக அமெரிக்கா செல்ல உள்ளார் என்று முன்னர் தகவல் வெளியாகி இருந்தது. அதுவரையில் தனுஷ் அங்கு தங்கியிருப்பாரா அல்லது மனைவி ஐஸ்வர்யாவை உதவிக்கு இருக்கச் சொல்லிவிட்டு அவர் மட்டும் திரும்புவாரா என்பது சீக்கிரம் தெரிய வரும்.

சென்னை வந்ததும் தமிழ் படங்களின் படப்பிடிப்பை தனுஷ் தொடர்வார். கார்த்திக் நரேன் இயக்கும் படம், அண்ணன் செல்வராகவன் இயக்கத்தில் நானே வருவேன் ஆகிய தமிழ்ப் படங்களில் தனுஷ் நடித்து வருகிறார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!