Dinamalar

'தலைவி' தடங்கல் இல்லாமல் வெளியாகுமா ?

மறைந்த முன்னாள் முதல்வர் ஜெயலலிதாவின் வாழ்க்கை வரலாற்றுப் படமான 'தலைவி' படம், கடந்த மாதம் ஏப்ரல் 23ம் தேதி வெளியாக வேண்டிய படம். ஆனால், கொரோனா இரண்டாவது அலை தாக்கத்தின் காரணமாக பட வெளியீட்டைத் தள்ளி வைத்துள்ளனர்.

ஜெயலலிதாவின் வாழ்க்கை வரலாற்றுப் படம் என்றால் அதில் அவரது அரசியல் எதிரியான கருணாநிதியின் கதாபாத்திரமும் மிக முக்கியமாக இருக்க வேண்டும். ஆனால், அந்தக் கதாபாத்திரத்தைப் பற்றிய தகவல்களை கவனமாக படத்தின் டிரைலரில் தவிர்த்திருந்தார்கள்.

ஜெயலலிதா தீவிர அரசியலில் இறங்கிய மூன்று வருடங்களில் எம்ஜிஆர் மறைந்தார். 'தலைவி' படத்தில் ஜெயலலிதாவின் சினிமா வாழ்க்கை மட்டும் இடம் பெற்றிருந்தால் எந்தப் பிரச்சினையும் இல்லை. அரசியல் வாழ்க்கையும் சரி பாதியாவது இடம் பெற்றிருந்தால் அதில் கருணாநிதி கதாபாத்திரம் முழுமையாக இடம் பெற்ற ஆக வேண்டும்.

படத்தில் கருணாநிதியை எப்படி சித்தரித்திருக்கிறார்கள் என்பது படத்தைப் பார்த்த படக்குழுவினருக்கு மட்டும்தான் தெரியும். தற்போது திமுக தலைமையிலான ஆட்சி அமையப் போகிறது. இப்படம் தேர்தலுக்கு முன்பு வெளியாகியிருந்தால் எந்த சிக்கலையும் சந்தித்திருக்காது. ஆனால், தேர்தலுக்கு பின்பு வெளியாக வேண்டிய சூழ்நிலையைல் படம் தள்ளப்பட்டுவிட்டது.

எனவே, படத்தைப் பார்க்க வேண்டும் என திமுக தரப்பில் அழுத்தம் கொடுக்கப்பட வாய்ப்புள்ளது. சிக்கலான காட்சிகள் படத்தில் ஏதாவது இருந்தால் அதை நீக்கவும் சொல்லலாம். இந்த விவகாரம் பட வெளியீட்டிற்கு முன்பாக விஸ்வரூபமெடுக்கலாம் என்பதை மட்டும் இப்போதே யூகிக்கலாம்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  ஹீரோவாக மாறும் காமெடியன் ரவி மரியா: ஹீரோயின் தேடும் பணி தீவிரம்
• 
  ஜனநாயகன் முதல் காட்சி டிக்கெட் விலை எவ்வளவு : இதுதான் கோலிவுட்டில் ஹாட் ...
• 
  சரஸ்வதி பட படப்பிடிப்பை நிறைவு செய்த வரலட்சுமி
• 
  ஊட்டுகுளங்கரா பகவதி கோவிலில் அஜித் வழிபாடு
• 
  கண்ணீரை வரவழைத்தது : சிறை படத்தை பாராட்டிய இயக்குனர் ஷங்கர்